एएस मोनाको मिडफिल्डरमा रियल म्याड्रिडको चासोको बाबजुद किलियन एमबाप्पेले आफ्नो देशवासी ओरेलियन चुवामेनी पेरिस सेन्ट-जर्मेन (पीएसजी) मा उनीसँग सामेल हुन मनाउने आशा गरिएको छ।
केही हप्ताअघि मात्र एमबाप्पेले विभिन्न कारण देखाउँदै पीएसजीसँगको सम्झौता नवीकरण गर्ने निर्णय गरेका थिए। निकै आकर्षण पारिश्रमिकका साथ ठूलो अफरको बाबजुद क्लबले २३ वर्षीय स्टारलाई ट्रान्सफर बजारमा क्लबको योजनामा आफ्नो निर्णय सुनाउन सक्ने शक्ति पीएसजीले दिएको छ। तर एम्बाप्पेले आफ्नो काम मैदानमा क्षेत्रमा मात्र सीमित रहेको प्रष्ट पार्ने प्रयास गरेका थिए।
हाल फ्रेन्च क्लबमा यो स्पष्ट छ कि क्लबको प्राथमिकता आफ्नो मिडफिल्ड बलियो बनाउनु रहेको छ, जसका लागि चुवामेनी माथि पीएसजीको नजर रहेको छ। नासेर अल खेलैफीसँगै नयाँ परियोजनाको जिम्मेवारीमा आउने लुइस क्याम्पोसलाई मनपर्ने खेलाडी मात्र नभएर चुवामेनीको विशाल क्षमताको बारेमा पनि एम्बाप्पे र पीएसजी सजग रहेको छ।
यद्यपि, पीएसजीलाई मोनाको खेलाडीलाई क्लब छोड्न मनाउन गाह्रो काम छ। पीएसजीको ट्रम्प कार्ड भनेको मोनाकोलाई दिएको १०० मिलियन युरोको एक धेरै आकर्षक प्रस्ताव हो, साथै एमबाप्पेसँग जोडिने मौका हो, जसले फ्रान्सको नेसन्स लिग खेलहरूको लागि आफ्नो राष्ट्रिय टोलीका साथीहरूसँग अर्को दुई हप्ता प्रशिक्षण बिताउन गइरहेका छन्।
मोनाको स्टार रियल म्याड्रिडको पनि प्रमुख लक्ष्य रहेका छन्। यस्तोमा, म्याड्रिडको हातबाट केही समय अगाडी मात्र एम्बाप्पेलाई छिनेको केही समयमा पीएसजीले सोही एम्बाप्पेको मद्दतले म्याड्रिडका अर्का लक्ष्य पनि उछिट्याउने दाउमा रहेको छ।
