जेठ महिनाको शुक्ल पक्षको चतुर्थी मिति २०२२ जुन ३, शुक्रबार परेको छ। प्रत्येक महिनाको शुक्ल पक्षको चतुर्थी तिथिलाई विनायक चतुर्थी पनि भनिन्छ। यस पवित्र दिनमा भगवान गणेशको विधिवत पूजा गरिन्छ। यसो गर्नाले विघ्नहर्ताको कृपा भक्तमा सदैव रहन्छ भन्ने विश्वास छ। भगवान श्री गणेश सबैभन्दा पहिले पुजनीय देवता हुन्। कुनै पनि शुभ कार्य सुरु गर्नु अघि भगवान गणेशको पूजा गरिन्छ।
विनायक चतुर्थी शुभ मुहूर्त
चतुर्थी तिथी जुन ३, शुक्रबार बिहान ११:११ बजे सुरु भई जुन ४, शनिबार दिउँसो १ः५८ बजे समापन हुनेछ।
विनायक चतुर्थीमा बन्ने शुभ योग
विनायक चतुर्थीका दिन वृद्धि, ध्रुव, सर्वार्थ सिद्धि र रवि योगको निर्माण हुने भएको छ। यी योगहरूलाई शास्त्रमा निकै शुभ मानिएको छ। हिन्दू पात्रो अनुसार सर्वार्थ सिद्धि योग बिहान ५:३८ देखि बेलुका ७:२० सम्म रहनेछ।
विनायक चतुर्थी पूजा विधि
यस दिन बिहान सबेरै उठेर नुहाउनुपर्छ। त्यसपछि घरको मन्दिर सफा गरी दियो बाल्नुहोस्। दीप प्रज्वलन गरेपछि शुद्ध जलले भगवान गणेशको पूजा गर्नुहोस्। त्यसपछि भगवान गणेशलाई सफा लुगा धारण गराउनुहोस्। भगवान गणेशलाई सिंदूरको तिलक लगाउनुहोस् र दुबो चढाउनुहोस्।भगवान गणेशलाई दुबो अति प्रिय छ। जसले भगवान गणेशलाई दुबो अर्पण गर्छ, भगवान गणेशले उक्त मानिसको सबै मनोकामना पूरा गर्नुहुन्छ. भगवान गणेशको पूजा गरी भोग अर्पण गर्नुहोस्। भगवान गणेशलाई मोदक, लड्डू चढाउन सकिन्छ। यस पवित्र दिनमा, भगवान गणेशको अधिक र अधिक ध्यान गर्नुहोस्। व्रत बस्ने हो भने यो दिन व्रत बस्नुस्।
विनायक चतुर्थीको महत्व
विनायक चतुर्थीको दिन भगवान गणेशको आराधना गर्नाले मनचाह फल प्राप्त हुन्छ। विनायक चतुर्थीमा व्रत बस्दा बाधाहरू हट्छन्।
