इटालीका पूर्व फरवार्ड एलेसान्ड्रो डेल पिएरोले अर्जेन्टिनाका लियोनल मेस्सी र पोर्चुगलका क्रिस्टियानो रोनाल्डो दुबैले २०२२ को फिफा विश्वकप जित्ने सम्भावना रहेको बताएका छन्। उनले प्रतियोगितामा दुबै देशलाई विश्वकप जित्न आफ्नो १०० % दिनुपर्ने र राम्रो सुरुवात गर्नु पर्ने बताएका हुन्।
बुधबार वेम्बलीमा भएको ला फाइनलसिमामा अर्जेन्टिनाले इटालीलाई ३-० ले हराएर गत वर्ष कोपा अमेरिका जितेपछि अर्को उपाधि उचालेको छ। अर्जेन्टिना युरो २०२० विजेता इटाली माथि पूरा रूपमा हावी रहे, १७ गोलको प्रयास गर्दा १० अन-टार्गेट रह्यो।
खेल पछि, डेल पिएरोले ESPN FC को युट्युब च्यानलमा आगामी विश्वकपमा ला अल्बिसेलेस्टेको सम्भावनाको बारेमा कुरा गरे। उनले इटालीको २०२० युरो जितलाई हाइलाइट गर्दै कि जे पनि हुन सक्ने र मेस्सी र रोनाल्डो दुबैसँग जित्ने मौका रहेको दाबी गरेका छन्।
डेल पिएरोले भने: “यूरो २०२० ले प्रमाणित गर्यो कि जब टोली एकसाथ आउँछन् उनीहरूले अचम्मका कामहरू गर्न सक्छन्। र निस्सन्देह, मेस्सीको लागि अन्तिम विश्वकप हेर्ने एक प्रकारको भावनात्मक तरिका हो। रोनाल्डोको लागि पनि त्यस्तै हुन सक्छ। तिनीहरू मूलतः दुबै धेरै समान छन्।”
उनले थपे: “यो राम्रो हो कि हामी यी अद्भुत खेलाडीहरूको लागि एक राम्रो टोलीका साथमा उनीहरुको अन्तिम विश्वकपमा जाँदैछौं जसले वास्तवमा प्रतियोगिता जित्न सक्छ किनभने यो एक महिनाको समय मात्र हो। सबै कुरा एक महिनाको लागि उत्तम हुनुपर्छ। तर प्रतियोगिता सकारात्मक तरिकाले सुरु गर्न आवश्यक छ।”
डेल पिएरोले ला अल्बिसेलेस्टे हाल प्रतियोगिताको उत्कृष्ट टोली नभएको दाबी गरे। यद्यपि, प्रतियोगिता जित्ने सबैभन्दा बलियो टोली हो भनी प्रमाणित गर्न आवश्यक रहेको बतएका छन्। “के तिनीहरू वास्तवमा अहिलेको उत्कृष्ट टोली हुन्? होइन, निश्चित रूपमा, होइन। त्यहाँ तिनीहरू भन्दा धेरै राम्रो टोलीहरू छन्, सँगै संरचित र रणनीतिक रूपमा सम्पन्न,” उनले भने, “तर तपाईंलाई त्यो महिनामा के हुन सक्छ थाहा छैन। र हरेक समय राम्रो टोलीले प्रतियोगिता जित्छ भन्ने पनि छैन। सबैभन्दा बलियो टोलीले विश्वकप जित्नेछ। त्यसैले तपाईंले प्रमाणित गर्न आवश्यक छ कि तपाईं सबैभन्दा बलियो हुनुहुन्छ।”
