ज्योतिषशास्त्रमा बुध ग्रहलाई तर्क, बुद्धि, संचार र व्यापार आदिको कारक मानिएको छ। आज अर्थात जुन ३, २०२२ शुक्रबार वृष राशिमा बुध ग्रह मार्गी भएको छ। आजको दिनको दिउँसो १:४४ बजे बाट बुध सीधा चालमा घुम्न थालेको छ। त्यसपछि सेप्टेम्बर १० सम्म बुध यस स्थितिमा रहनेछ। जान्नुहोस् मार्गी अवस्थामा रहेको बुधले कुन-कुन राशिका मानिसलाई विशेष लाभ दिनेछ….
मेष राशि
मेष राशिको शासक ग्रह मंगल हो। बुध तपाईंको राशिबाट दोस्रो घरमा प्रवेश गरेको छ। जसलाई धन र बोलीको स्थान मानिन्छ। बुधको प्रभावले जागिर तथा व्यापारमा पदोन्नति मिल्नेछ। लामो समयदेखि रोकिएको धन प्राप्त हुन सक्छ। बुधको मार्गीको प्रभावले तपाईंको साहस बढ्नेछ। तपाईंको कार्यशैलीमा सुधार आउनेछ। यस अवधिमा प्रतिस्पर्धात्मक परीक्षाको तयारी गरिरहेका व्यक्तिहरूले राम्रो समाचार पाउन सक्छन्।
सिंह राशि
सिंह राशिका लागि बुधको गोचरले शुभ समाचार ल्याउन सक्छ। बुध दशम घरमा तपाईंको राशिबाट गोचर गरेको छ। जसलाई कर्म र कामको भाव मानिन्छ। त्यसैले यस समयमा तपाईंलाई नयाँ कामको प्रस्ताव आउन सक्छ। नोकरी गर्ने व्यक्तिको पदोन्नति र आम्दानीमा वृद्धि हुनेछ। व्यापारमा विशेष लाभ मिल्न सक्छ।
कन्या राशि
बुध तपाईंको राशिबाट नवौं घरमा प्रवेश गरेको छ। जसलाई भाग्य र विदेशको घर मानिन्छ। कन्या राशि भएका व्यक्तिहरुलाई यस समयमा भाग्यको पूर्ण सहयोग मिल्नेछ। लामो समयदेखि रोकिएको काम पूरा हुनसक्छ। जागिर र व्यापारसँग सम्बन्धित यात्रा लाभदायी साबित हुनेछ। धन लाभ हुने प्रबल सम्भावना छ। विदेश यात्राको अवसर मिल्न सक्छ।
