लगातार जर्मन क्लब छाड्ने चर्चामा रहेका रोबर्ट लेवान्डोस्कीले पुन: बायर्न म्युनिख छोड्ने आफ्नो इच्छा दोहोर्याएका छन्। पूर्व डर्टमण्ड स्ट्राइकरले फेरि जर्मन क्लबमा आफ्नो समयको अन्त्य गर्ने र नयाँ साहसिक कार्य सुरु गर्ने आफ्नो इच्छा व्यक्त गरेका हुन्।
“मलाई लाग्छ कि बायर्नको लागि मेरो सम्झौताको अन्त्यसम्म मलाई राख्नु भन्दा उनीहरूले मेरो लागि प्राप्त गर्न सक्ने पैसा लगानी गर्नु राम्रो हो,” उनले बिल्डलाई भने, “म कुनै पनि कुरालाई जबरजस्ती गर्न चाहन्न। म दुबै पक्षका लागि उत्तम समाधान खोज्न चाहन्छु। बायर्न विश्वको सबैभन्दा ठूलो क्लब हो, धेरै खेलाडीहरूको सपनाको क्लब हो। म यो अन्त्य चाहन्छु, हामी दुश्मन होइनौं। म ढुक्क छु, हामी मिलेर एउटा सम्झौतामा आउनेछौं।”
स्ट्राइकरले यो पनि स्पष्ट पारेका छन् कि उनले विगत आठ वर्षमा बायर्नका लागि आफूले सक्ने सबै कुरा दिएका छन्। सोही कारण पनि उनी आफूलाई अहिलेको समयमा कुनै पनि प्रकारले क्लबप्रति स्वार्थी भएको नलाग्ने बताए।
“मैले सधैं आफ्नो उत्कृष्ट दिने प्रयास गरेको छु, टोली र फ्यानहरूको अपेक्षा पूरा गर्न। म फ्यानहरूको कदर गर्छु,” उनले थपे, “यदि म आफ्नो अवस्थाको बारेमा इमानदार नभएको भए, मलाई लाग्छ कि म फ्यानहरूप्रति निष्पक्ष भएको छैन। मलाई थाहा छ आज त्यहाँ धेरै भावनाहरू छन्, तर मलाई आशा छ कि फ्यानहरूले मलाई कुनै बिन्दुमा बुझ्नेछन्।”
