यसपटक निर्जला एकादशीको व्रत जेठ २७ गते अर्थात् भोलि परेको छ। यस दिन पानीको विशेष महत्व मानिन्छ। यसलाई पाण्डव एकादशी वा भीमसेनी एकादशी पनि भनिन्छ। यस दिन व्रत राख्नाले सबै मनोकामना पूरा हुने विश्वास रहेको छ। यस एकादशीको व्रत राख्ने व्यक्तिलाई सबै एकादशीको फल प्राप्त हुने बताइन्छ। ज्योतिष शास्त्रका अनुसार यस दिन केही विशेष उपाय गर्नाले शुभ फल प्राप्त हुन्छ। जान्नुहोस् यी उपायहरु के हुन्।
निर्जला व्रत
यस एकादशीको व्रतमा सूर्योदयदेखि द्वादशीको सूर्योदयसम्म पानी नपिउने चलन छ। त्यसैले यसलाई निर्जला एकादशी भनिन्छ। यो व्रत गर्ने व्यक्तिलाई सबै एकादशीको फल एकैपटक प्राप्त हुने विश्वास रहेको छ। साथै, भगवान विष्णु र माता लक्ष्मीको कृपा वर्षभरी रहन्छ।
पिपलको रूखमा जल अर्पण
यदि तपाईं माथि उल्लेखित उपाय गर्न सक्नुहुन्न भने, यस दिन पीपलको रूखमा जल चढाएर विधिवत पूजा गर्नुहोस्। यसो गर्नाले धनको वृद्धि हुन्छ। साथै ऋणबाट मुक्ति मिल्छ।
जल दान
यस दिन जल दान गर्नु पनि शुभ मानिन्छ। तपाईं जहाँ पनि पानी वितरण गर्न सक्नुहुन्छ। यसो गर्दा पितृदोष पनि हट्ने विश्वास रहेको छ।
