लुका मोड्रिच र किलियन एमबाप्पेले फ्रान्स र क्रोएसियाबीचको सोमबारको खेल पछि जर्सी अदल-बदल गरेपछि स्पेनिस रिपोर्टरको रिसको सीमा रहेन। विश्व च्याम्पियन फ्रान्स क्रोएसियासँग १–० ले पराजित भएसँगै नेसन्स लिगको दौडमा निकै खराब प्रदर्शन गर्न जारी राखेका छन्।
रियल म्याड्रिडका खेलाडी मोड्रिचको प्रारम्भिक पेनाल्टी नै कप होल्डरहरूलाई पराजय हातमा थम्माउन पर्याप्त रह्यो। यससँगै फ्रान्स चार खेलबाट मात्र दुई अंकसहित समूहको पुछारमा रहेको छ। खेल पछि, प्रशिक्षक डिडियर डेसच्याम्प्सले आफ्नो टोलीमा आफ्ना विपक्षीहरूसँग प्रतिस्पर्धा गर्न आवश्यक ऊर्जाको अभाव रहेको बताएका थिए।
उनले भने: “नतिजाको हिसाबले जुन महिना कठिन थियो। हामी भन्दा धेरै ऊर्जा भएका टोलीहरू विरुद्ध हामीसँग ऊर्जा र बल थिएन। हामीले अलिकति आत्म-विश्वास गुमायौं तर यो प्रायः ताजापन हो जुन हामीमा कमी छ। जब धेरै खेलहरू खेल्नुहुन्छ यो धेरै गाह्रो हुन्छ।”
तर एक स्पेनिश रियल म्याड्रिड रिपोर्टर जोसेप पेडरेरोल थिए जसले निकै चर्चा पाए। उनलाई मोड्रिच र एमबाप्पेले खेल पछि आफ्ना जर्सी बदलेको भनिएको थियो, र यसले पेड्रेरोललाई ठूलो रिस उठायो।
Luka Modrić asked Kylian Mbappé for his shirt after France vs Croatia. Josep Pedrerol’s rage has no bounds and Guti (yes, that Guti) is riling him up. pic.twitter.com/3WbySAD112
— El Chiringuito in English (@ElChiringuitoEN) June 13, 2022
उनले भने, “के तपाईंले मलाई भनेको कुरा सत्य हो ?! मोड्रिचले एमबाप्पेको जर्सी मागे ? के?! तर उनले एमबाप्पेलाई कसरी जर्सी माग्न सक्छन्?! जसले रियल म्याड्रिडलाई धोका दियो?! मोड्रिच मड्रिडिस्टा हुन्, एम्बाप्पे मड्रिडिस्टासमा हाँसे र उनले एम्बाप्पेसँग जर्सी मागे ?! यो मजाक हो, हैन?!”
पेड्रेरोलले थपे, “एमबाप्पे सबै म्याड्रिडिस्टमा हाँसे र रियल म्याड्रिडका लिडर मोड्रिचले उनको जर्सी मागे !! के तपाईंलाई यो भयानक छ जस्तो लाग्दैन?! मोड्रिचले रियल म्याड्रिडलाई छोड्ने केटाको जर्सी मागे ! इमानदारीपूर्वक भन्नु पर्दा, म स्तब्ध छु। मलाई यो थाहा थिएन।”
