जुन १८ देखि शुक्र ग्रहले आफ्नो राशि परिवर्तन गर्दैछ, अहिले मेष राशिमा रहेको शुक्र यस दिनबाट वृष राशिमा प्रवेश गर्नेछ। मेष राशिको स्वामी मंगल हो जससँग शुक्रको शत्रुता रहेको छ। कालपुरुषको कुण्डलीमा वृष राशि कोष भाव हो, यो कोष श्वास, बोली, धनको बैंक हो। जब शुक्र वृष राशिमा पुग्छ, बुधले शुक्रलाई स्वागत गर्नेछ। शुक्रको आगमनले वृष राशिमा शुभफल बढ्नेछ। बुध यस राशिमा जुलाई १३, २०२२ सम्म रहनेछ, तबसम्म यो योग बन्नेछ। ग्रहहरूको यो चालले प्रत्येक राशिमा फरक फरक प्रभाव पार्नेछ। आउनुहोस् जान्नुहोस् कुन राशिमा कस्तो असर पर्नेछ।
मेष राशि
यो राशिका व्यक्तिहरूले आफ्नो बोली राम्रो राख्नु पर्छ, कसैसँग कठोर शब्द नबोल्नुहोला। सत्य यो हो कि उनीहरूले आफ्नो शब्दले युद्ध जित्न सक्छन्। जुन कार्यमा हात हाल्नुहुन्छ, त्यसमा सफलता मिल्नेछ। यस अवधिमा आर्थिक उन्नति पनि हुनेछ।
वृष राशि
यो राशिका मानिसहरुले आफ्नो सौन्दर्यमा ध्यान दिनेछन्। सौन्दर्य प्रसाधन सामग्रीको अधिक प्रयोग हुनेछ। व्यक्तित्वको विकास छिटो हुनेछ र आत्मविश्वास पनि बढ्नेछ, तर संगतको विशेष ख्याल राख्नुहोस् र राम्रो संगत मात्र गर्नुहोस्।
मिथुन राशि
यो समय तपाईंको लागि पैसा खर्च गर्ने र त्यसको सुख लिने समय हुनेछ। कतै घुम्न जाने योजनामा हुनुहुन्छ भने अवश्य जानुहोस्। यदि तपाईंको परिवारले कुनै देवताको दर्शन गर्ने योजना बनाएको छ भने जान सक्नुहुन्छ।
कर्कट राशि
आम्दानीमा वृद्धि हुनेछ र दिदीबहिनीको सहयोग प्राप्त हुनेछ। महिलासँग कुनै प्रकारको झगडा नगर्नुहोस्, महिला हाकिम वा सहकर्मीसँग कुनै प्रकारको झगडा नगर्नुहोस्। यदि तपाईं कार्यक्षेत्र परिवर्तन गर्ने सोचमा हुनुहुन्छ भने तपाईं परिवर्तन गर्न सक्नुहुन्छ।
सिंह राशि
आलस्य बढ्नेछ, कामको योजना बनाउनुहोस् र नयाँ तरिका अपनाउनुहोस्। यस समयमा तपाईं आफ्नो कार्यक्षेत्रमा आफ्नो उत्कृष्ट कार्य देखाएर उच्च-पदाधिकारीको प्रशंसा बटुल्न सक्नुहुनेछ।
कन्या राशि
कन्या राशिका लागि भाग्यले साथ दिनेछ। रोकिएका काम पूरा हुनेछन्, पदोन्नति पनि यो अवधिमा हुन सक्छ। महिला हाकिम, आमाको माध्यमबाट प्रगति हुन सक्छ। यस्तो अवस्थामा उनीहरुसँग विवाद नहोस् भन्ने ख्याल गर्नुपर्छ।
तुला राशि
यस समयमा तपाईंले आफ्नो भविष्यको योजा बनाउन सक्नुहुनेछ। तपाईं भविष्यको लागि पनि लगानी गर्न सक्नुहुन्छ। यस समयमा तपाईंले आफ्नो स्वास्थ्यको पनि विशेष ख्याल राख्नु पर्छ।
वृश्चिक राशि
यो राशिका मानिसहरुले राम्रा मानिसहरु भेट्नेछन्, पुराना साथीभाईहरुसँग पनि भेटघाट हुँदा मन प्रशन्न रहनेछ। नयाँ साझेदारी पनि बन्न सक्छ। पदोन्नतिको सम्भावना पनि छ।
धनु राशि
प्रतियोगिताको लागि तयारी गरिरहेका व्यक्तिहरूले लाभ उठाउनेछन्। कार्यक्षेत्रमा पदोन्नतीको सम्भावना रहेको छ। रोजगारको खोजीमा रहेका मानिसले यस समयमा सफलता प्राप्त गर्न सक्छन्।
मकर राशि
यस राशिका मानिसहरुको दिमाग सक्रिय रहन्छ। सन्तानको पक्षबाट केही शुभ समाचार प्राप्त हुन सक्छ। स्वास्थ्य राम्रो नै रहनेछ। विभिन्न लाभ प्राप्त हुनसक्छ।
कुम्भ राशि
घरको सौन्दर्य र सजावटमा ध्यान दिनु हुनेछ। कुनै काम बाँकी छ भने पूरा गर्नुहोस्। तपाईंको सामाजिक सर्कल बढ्नेछ। जागिर खोज्ने वा व्यवसायीहरूका लागि यो समय राम्रो छ।
मीन राशि
यो राशिका मानिसका लागि यो परिवर्तन अनुकूल छैन। भित्री प्रतिभा बाहिर ल्याउने मौका मिल्नेछ। कम्प्युटर, बैंकिङ, फेसन डिजाइनिङ आदि क्षेत्रमा काम गर्ने व्यक्तिहरूले आफ्नो टोलीसँग मिलेर काम गरे भने राम्रो नतिजा आउँछ। जीवन साथीको सम्बन्धमा पनि सकारात्मक सुधार रहनेछ।
