जब कुनै व्यक्तिको विवाहमा केही कारणले ढिलाइ हुन्छ, मनमा पहिलो प्रश्न आउँछ कि कुण्डलीमा माङ्गिलक दोष छ कि छैन ? हिन्दू धर्ममा माङ्गलिक दोषलाई धेरैले अशुभ मान्छन् । के साँच्चै मांगलिक हुनु पाप हो ? किनभने यसको शब्दको अर्थ बुझ्यौ भने अशुभ होला भन्ने पटक्कै लाग्दैन । मांगलिक शब्द मंगल शब्दबाट बनेको हो र मंगलको अर्थ शुभ हो। त्यसैले यस्तो अवस्थामा मांगलिक हुनु कुनै दोष होइन, तर यसका धेरै फाइदा पनि छन् ।
के हो मंगल दोष ?
ज्योतिषसंग जानकार व्यक्ति भन्छन् जब व्यक्तिको कुण्डलीको लग्न भाव, चौथो भाव, सातौँ, आठौँ, बाह्रौं भावमा मंगल ग्रह अवस्थित भएमा यो अवस्थाले कुण्डलीमा मंगल दोषको निर्माण हुने विश्वास छ। तर यो आवश्यक छैन कि यी घरहरूमा मंगल ग्रहको अर्थ सधैँ नकारात्मक हो। यी घरहरूमा मंगलको उपस्थितिले केही फाइदा पनि हुने गर्दछ। यसको बारेमा थप जान्नुहोस् …
मंगल ग्रह लग्न भाव घर अर्थात् प्रथम घरमा हुँदा त्यस्ता व्यक्ति साहसी र पराक्रमी हुन्छन् । अप्ठ्यारो परिस्थितिमा पनि उनीहरु विजयी हुन्छन् ।
जब मंगल चौथो घरमा हुन्छ, तब त्यस्ता व्यक्ति धेरै शक्तिशाली र आकर्षक व्यक्तित्वको मालिक हुन्छन्। तिनीहरूप्रति एक छिनमा मानिस आकर्षित हुन्छ।
सप्तम भावमा मंगल ग्रहको उपस्थितिले सम्पत्ति र सम्पत्ति सम्बन्धी कार्यमा शुभ फल मिल्छ। यस्ता व्यक्ति उच्च पदमा कार्यरत हुन्छन् र धेरै धनको मालिक बन्छन्। कुण्डलीको आठौँ घरमा मङ्गल रहेको कारण व्यक्तिलाई अचानक आर्थिक लाभ हुने सम्भावना छ । मंगलको बाह्रौं घरमा हुने व्यक्तिले वैदेशिक क्षेत्रबाट धेरै सफलता प्राप्त हुनुको साथै र मानिसहरुबाट धेरै माया पाउँछ।
कुण्डलीमा मांगलिक दोष भएका व्यक्तिको स्वभाव र व्यक्तित्व
मांगलिक व्यक्तिहरू आफ्नो जीवनमा धेरै अनुशासित हुन्छन् र कुनै पनि काम योजना बनाएर गर्छन्। अनुशासन यी व्यक्तिहरूको जीवनमा सबैभन्दा महत्त्वपूर्ण कुरा हो, जुन तिनीहरूले आफ्नो जीवनको हरेक पक्षमा पालना गर्छन्। यी मानिसहरू आफूले सुरु गरेको काम पूरा नगरी नछोड्ने स्वभावका हुन्छन् ।
यस्ता व्यक्तिहरू साहसी र निडर हुन्छन्।लडाई-झगडा र जीवनका ठूला समस्याहरूसँग पनि डराउँदैनन्, तर तिनीहरू दृढताका साथ सामना गर्छन्। उनीहरुको व्यक्तित्व निकै प्रभावशाली हुन्छ, जसका कारण जो कोही पनि उनीहरुप्रति तुरुन्तै आकर्षित हुन्छन् ।
