नासेर अल-खेलाइफीले फ्यानहरूले पेरिस सेन्ट जर्मेन (पीएसजी) का सुपरस्टार लियोनल मेस्सीले २०२२-२३ सिजनको उत्कृष्ट खेल हेर्न पाउने दाबी गरेका छन्।
उनले ले पेरिसियन (बार्सा युनिभर्सल मार्फत) सँगको अन्तर्वार्तामा आगामी सिजन निकै उत्कृष्ट प्रदर्शन गर्न सात पटकको ब्यालोन डी’ओर विजेतालाई समर्थन गरेका छन्। अल-खेलाइफी मंगलबार ले पेरिसियनसँग बसे र क्लबको लागि आफ्नो दृष्टिकोणको बारेमा विस्तृत रूपमा कुरा गरे। उनले जिनेदिन जिदान पीएसजीको अर्को प्रबन्धक नहुने कुरा पुष्टि गरे र गत समरमा किलियन एमबाप्पेको लागि रियल म्याड्रिडको १८० मिलियन युरो प्रस्ताव अस्वीकार गरेको पनि खुलासा गरे।
उनले लियोनल मेस्सीको बारेमा पनि बताए। अल-खेलाइफीले स्वीकार गरे कि २०२१-२२ सिजन मेस्सीका लागि उत्कृष्ट नभएको तर पूर्व बार्सिलोना कप्तानले आफ्नो करियरमा सात पटक ब्यालोन डी’ओर जितेको सबैलाई पुन: सम्झना दिलाए। पीएसजी अध्यक्षले नयाँ शहर, नयाँ क्लब र यसको वातावरणमा समायोजन हुन, साथै कोभिड-१९ ले ३४-वर्षीय खेलाडीलाई गत सिजन आफ्नो उत्कृष्ट प्रदर्शन गर्नबाट रोकेको बताए।
उनले भने: “यसमा कुनै शङ्का छैन कि लियोनल मेस्सीले कीर्तिमान सात पटक ब्यालोन डी’ओर जितेका छन्, र यो उनको उत्कृष्ट सिजन थिएन। तर बार्सिलोनामा बीस वर्ष भन्दा बढी पछि, उनी नयाँ देश, नयाँ शहर, नयाँ लिग, नयाँ टोलीसँग आवद्ध भएका थिए। साथै उनलाई कोरोना भाइरसले पनि सतायो।”
उनले थपे कि अर्को सिजन मेस्सी समर्थक तथा क्लब समर्थकले पीएसजीमा बायाँ खुट्टाका उत्कृष्ट खेलाडी देख्न सक्नेमा पूरा विश्वास रहेको छ। उनले थपे: “गत सिजन मेस्सीका लागि सजिलो थिएन, तर अर्को सिजन हामीले मेस्सीको अहिलेसम्मकै उत्कृष्ट संस्करण देख्नेछौँ।”
