नेपाली सिनेमा क्षेत्रको चर्चित अभिनेत्री ऋचा शर्माले छोरालाई जम्न दिएकी छिन् ।
केहि समय पहिले देखि अभिनेत्री ऋचा शर्मा गर्वती भएको खबरले सामाजिक सञ्जाल तातेको थियो । केहिदिन पहिले मात्र अभिनेत्री ऋचाले जजको भूमिकामा देखिदै आएको कमेडी शो कमेडी च्याम्पिएन छोडेकी थिइन् ।
अभिनेत्री ऋचाले सार्वजनिक रुपमै उनलाई डाक्टर साथै आफन्तले पनि अब आराम गर्नु पर्छ भनेको हुँदा शो छोडेको उनले बताएकी थिइन् ।ऋचा आमा बनेको खबर अभिनेत्री केकी अधिकारीले सामाजिक सञ्जाल फेसबुक मार्फत जानकारी गराएकी छिन् । केकीले ऋचालाई बधाई दिँदै लेखिन्,” हाम्री प्यारी ऋचु दी अब नयाँ सदस्यको आगमनसंगै ऋचु ममी हुनुभएकोमा हामी सम्पूर्ण कमेडी च्याम्पियन परिवारको तर्फबाट हार्दिक बधाई । आमा अनि छोरा दुबैको सुस्वास्थ्यको कामना!!”
यतिबेला अभिनेत्रीलाइ सामाजिक सञ्जालमा बधाई दिनेको ओइरो लागेको छ । यतिबेला अभिनेत्रीलाई उनको फ्यानहरु साथै उनका आफन्त, शुभ चिन्तक र विभिन्न कलाकारले बधाई दिइरहेका छन् ।
