बार्सिलोनाका अध्यक्ष जोन लापोर्टाले आफ्ना सहकर्मीहरूलाई अर्को समरमा बोरुसिया डर्टमण्डका स्ट्राइकर एर्लिङ हालान्डलाई अनुबन्ध गर्ने इच्छाबारे जानकारी दिएका छन्।
नर्वेजियनको सम्झौतामा ७५ मिलियन रिलीज क्लज रहेको छ जुन आउँदो समरबाट लागू हुनेछ र लापोर्टा यसको पूरा फाइदा लिने तयारीमा रहेका छन्। हालान्डलाई हाल विश्वका उत्कृष्ट स्ट्राइकरमध्ये एक मानिन्छ र २१ वर्षको उमेरमा उनले आगामी थुप्रै वर्षसम्म बार्सिलोनाको नेतृत्व गर्न सक्नेछन्। मार्काका अनुसार, लापोर्टा यो अडिगमा छन् कि विगतका केहि वर्ष देखि क्लबको वित्तीय कठिनाइहरूको बाबजुद बार्सिलोनाले समरमा हालान्डलाई अनुबन्ध गर्न सक्नेछ।
उनले कथित रूपमा भने: “म अर्को समरमा हालान्डलाई अनुबन्ध गर्न जाँदैछु।” लापोर्टाले नर्वेजियनलाई क्लबको तावीज बनाउने र २१ वर्षीय स्टारको वरिपरी बाँकी टोली निर्माण गर्ने योजना बनाएका छन्। बार्सिलोनाले म्यानचेस्टर सिटीबाट स्पेनिस फरवार्ड फेरान टोरेसलाई ५५ मिलियन युरोमा अनुबन्ध गरिसकेको छ। गत समरमा लियोनेल मेस्सीको बहिर्गमनपछि बार्सिलोना अझै पुनर्निर्माण चरणमा छन् र हालान्डलाई नयाँ परियोजनाको स्टार बनाउन चाहन्छ।
मार्काले जर्मन क्लब स्ट्राइकरको मार्केटिङ सम्भाव्यताको लागि पनि लापोर्टाले हालान्डको पछि लाग्न सक्छ भन्ने विश्वास गरेको छ। तर हालान्डलाई क्लबमा भित्र्याउनका लागि बार्सिलोनाको बाटो खाली भने रहेको छैन। बार्सिलोना प्रतिद्वन्दी रियल म्याड्रिड पनि हालान्ड र एम्बाप्पे दुबैलाई अनुबन्ध गरेर सुपर टोली बनाउने दाउमा रहेको छ।
