क्रिस्टियानो रोनाल्डो, नेयमार र किलियन एमबाप्पेलाई पछि पार्दै पेरिस सेन्ट-जर्मेन (पीएसजी) सुपरस्टार लियोनल मेस्सी विश्व फुटबलमा सबैभन्दा धेरै कमाउने खेलाडीको बनेका छन्।
सात पटकको बालोन डी’ओर विजेताले गत समर ला लिगाको आर्थिक नियमका कारण बार्सिलोनाबाट भावनात्मक रूपमा बाहिरिएपछि विश्वलाई चकित पारेका थिए। जसपछि मेस्सीले पीएसजीसँग सनसनीपूर्ण नि: शुल्क स्थानान्तरण पूरा गरे र लिग १ क्लबले ३४ वर्षीय अर्जेन्टिनी फरवार्डलाई विश्वको सबैभन्दा धेरै कमाउने फुटबलर बनाएको छ।
डेली स्टारले सबैभन्दा बढी तलब कमाउने १० फुटबलरहरूको सूची निर्धारण गर्न मार्का र तलब खेलको तथ्यांक प्रयोग गरेको छ। ३४ वर्षीय स्टार खेलाडी पीएसजीमा प्रति हप्ता £ ९६०,००० तलबका साथ यस सूचीमा आफ्ना प्रतिद्वन्द्वीहरू भन्दा निकै अगाडि रहेका छन्। पूर्व बार्सिलोना कप्तानका क्लब टिममेट नेयमार आफ्नो मेगा £ ६०६,०००-प्रति-हप्ता कमाईका साथ दोस्रो स्थानमा छन्। ब्राजिलियन विङ्गरले २०२१ मा नयाँ सम्झौतामा हस्ताक्षर गरेका थिए।
गत समरमा युभेन्टस छोडेर म्यानचेस्टर युनाइटेड फर्किएका रोनाल्डो हाल प्रिमियर लिगमा सबैभन्दा धेरै कमाउने खेलाडी हुन्। ३६ वर्षीय पोर्चुगिज फरवार्डको युनाइटेडमा प्रति-हप्ता ३८५,००० पाउण्डको सम्झौताले उनलाई डेभिड डे गिया र केभिन डे ब्रुयनलाई पछि पार्दै छैटौं स्थानमा स्थान दिलायो।
डेली स्टारका अनुसार अहिले संसारमा सबैभन्दा धेरै कमाउने १० फुटबलरहरू यी हुन्:-
१०. डेभिड डे गिया (म्यानचेस्टर युनाइटेड): प्रति हप्ता £३७५,०००
९. फिलिप काउटिन्हो (बार्सिलोना/एस्टन भिल्ला): प्रति हप्ता £३८०,०००
८. इडेन हाजार्ड (रियल म्याड्रिड): प्रति हप्ता £३८१,०००
७. केभिन डे ब्रुयन (म्यानचेस्टर सिटी): प्रति हप्ता £३८५,०००
६. क्रिस्टियानो रोनाल्डो (म्यानचेस्टर युनाइटेड): प्रति हप्ता £३८५,०००
५. किलियन एमबाप्पे (पेरिस सेन्ट जर्मेन): प्रति हप्ता £४१०,०००
४. ग्यारेथ बेल (रियल म्याड्रिड): प्रति हप्ता £ ५२८,०००
३. ओस्कार (सांघाई पोर्ट) : प्रति हप्ता £५४०,०००
२. नेयमार (पेरिस सेन्ट जर्मेन): प्रति हप्ता £६०६,०००
१. लियोनल मेस्सी (पेरिस सेन्ट जर्मेन): प्रति हप्ता £९६०,०००
