भारतीय रियालीटी शो ‘बिग बोस’ बाट निस्किएका धेरै प्रतियोगीहरुको भाग्य परिवर्तन भएको छ । लोकप्रियता बढ्नुका साथै फिल्म र रियालिटी शोको अफर आउँछ । केहि दिन अगाडी आसिम रियाजलाई फिल्मबाट अफर मिलेको खबर आएको थियो ।
अब फेरी चर्चा छ कि घरको सबैभन्दा धेरै मनोरन्जनकर्ता शहनाज गिललाई ठुलो प्रोजेक्ट हात परेको छ । ‘पंजाबको कट्रिना कैफ’ को नामले चर्चित शहनाजको फ्यान फ्लोइंगको संख्या पनि धेरै छ । उनले आफ्नो चुलबुलेपनाले सबैको मन जितेकी छन् । अहिलेसम्म पंजाबी फिल्म इंडस्ट्रीमा काम गरेकी शहनाज हिन्दी फिल्म र टिभी इंडस्ट्रीमा डेब्यू गर्न सक्छिन् । बिग बोसको घरमा उनले धेरै पटक भनेकी छन् कि यदि उनले मुम्बईमा काम पाईन् भने उनी मोहालीबाट मुम्बई शिफ्ट हुनेछिन् ।
मिडिया रिपोर्ट्स अनुसार शहनाज बिग बोसपछि नयाँ रियालिटी शोमा देखिनेछिन् । वेबसाइट अनुसार नयाँ रियालिटी शोमा शहनाज बिहेको तयारी गर्दै गरेको देख्नेछौ । राखी सावंत, राहुल महाजन र रतन सिंह राजपूत जस्तै उनि पनि आफ्नो बेहुला खोज्नेछिन् । शहनाजको नयाँ शोको नाम ‘शहनाज गिल की शादी’ रहेको छ । बिग बोसमा अहिलेसम्म शहनाज र सिद्धार्थ शुक्ला बीच राम्रो सम्बन्ध देख्न सक्छौ । शोको सुरुवातमा पारस छाबडालाई लिएर शहनाजको सफ्ट कर्नर देखिएको थियो तर पारसको माहिरासँगको मित्रताको कारण शहनाज टाढा भईन् । अघिल्लो पटक एपिसोडमा सलमानले सिद्धार्थ शुक्लालाई चेतावनी दिएका थिए शहनाजले उनलाई मन पराउन थालेकी छन् । बिग बोसमा अहिले शहनाजको कनेक्शन बनेर उनको भाई शाहबाज पुगेका छन् । शोमा क्याप्टेंसी टास्क भईरहेको छ । शहनाज सिद्धार्थको टीममा रहेकी छन् । बिग बोसमा शहनाज टप ३ सम्म पुग्न सक्छिन् ।
