काठमाडौँ, माघ २१। चलचित्र ‘प्रेम गीत ३’ को पहिलो गीत सार्वजनिक भएको छ । ‘हात्ती ढुंगामा’ बोल रहेको यस गीतको भिडियो मुस्ताङमा खिचिएको हो । यस गीतको भिडियोमा फिल्मका मुख्य कलाकार अभिनेता प्रदिप खड्का र क्रिष्टिना गुरुङ, सुनील थापा लगायतलाई फिचर गरिएको छ । पुरानो शैलीको संस्कृतिको झल्को दिने यस गीतको भिडियोलाई कविराज गहतराजले कोरियोग्राफ गरेका हुन् ।
हर्क साउथले लेखेको यस गितमा गायिका मेलिना राइ र सागर आलेको स्वर रहेको छ । यस गितमा कल्याण सिंहले संगीत भरेका छन् । आसुसेन फिल्मसको ब्यानरमा निर्माण भएको यो फिल्मलाई सन्तोष सेन र छेतन गुरुङले निर्देशन गरेका छन्।
चैत्र २८ गतेदेखि प्रदर्शनमा आउने यो फिल्मलाई वनिष शाह र भुपेन्द्र अधिकारीले सम्पादन गरेका हुन् । फिल्ममा प्रदिप खड्का र क्रिष्टिना गुरुङ, सुनील थापा बाहेक शिव श्रेष्ठ, सन्तोष सेन, माओत्से गुरुङ, लक्ष्मी बर्देवा, मनिष राउत, पुष्कर गिरी, प्रेम पुरी, अनुभव रेग्मी, जीवन भट्टराई लगायतका कलाकारको अभिनय रहेको छ ।
