काठमाडौँ, चैत्र १७ । पछिल्लो समय संसारभरका मानिसहरु कोरोना भाइरस (कोभिड-१९) को कारण त्रसित छन् । जसमा नेपाल पनि पर्ने गर्दछ। कोरोना भाइरसको संक्रमण बढ्नबाट रोक्नको लागि अहिले नेपालमा पूर्ण रुपले लकडाउन भएको छ । लकडाउन भएसंगै देशैभरका सर्वसाधरणदेखि नेपाली चलचित्र क्षेत्रका कलाकारहरु आफ्नै घर तथा सेल्फ क्वारेन्टाइनमा बसिरहेका छन् ।
त्यस्तै होम क्वारेन्टाइन बस्दै आएकी सदाबहार नायिका करिश्मा मानन्धरले आइतबार साँझ सामाजिक संजालमा आक्रोशपुर्ण स्टाटस लेखेकी छिन्। र उनको स्टाटसमा अर्की नायिका रेखा थापाले समर्थन जनाउँदै प्रतिक्रया दिएकी छिन्।
करिश्मा लेख्छिन्, ‘के भनेको के ? के सेलिब्रेटि ले सबै समस्या समाधान गर्नु पर्ने ? अनि के काम सरकार को ? किन भोट गरेको हामिले ?के हामी धुर्मुस , सुन्तली हौ कि रबि लामिछाने ?? ह ?? जानुस तपाहरुको भगवान् लाइ खोज्नुस !! तर घर बस्नुस ।’
करिश्माको यस्तो स्टाटसमा अभिनेत्री रेखा लेख्छिन्, ‘सेलिब्रेटीले कोरोना रोक्ने बजेट जुटाउने हो र? परे राज्यले सबैको बैंक खाता कब्जा गर्लानी । अरुले यती दिये उती दिएनन भन्नु भन्दा सक्नेले दिऔ नसक्नेले मागौ । चन्दा फेसन जस्तो ।’
