काठमाडौँ साउन ०८ , राम्रा अनि स्तरीय चलचित्र निर्माण गर्न माहिर मानिएका निर्माता सुवास गिरि आफ्नै होम प्रोडक्सन सुवास इन्टरटेन्मेन्टको ब्यानरमा निर्माण हुन लागेको ‘नन्दुलाल’ मार्फत चलचित्र निर्देशनमा डेब्यु गर्दै छन्।
खगेन्द्र लामिछाने मुख्य भूमिका रहने चलचित्रको हाल स्क्रिप्ट लेखनको कार्य धमाधम चलिरहेको छ भने यहि मङ्सिरबाट चलचित्र छायांकनका लागि फ्लोरमा जाने समेत बताईएको छ। खगेन्द्र कै कथा रहने भनिएको चलचित्रका अन्य कलाकारहरुको भने फाइनल हुन बाकी नै रहेको गिरीले जनाएका छन।
नोभेम्वर रेन , क्लासिक , कृ ,पर्व लगायतका सफल चलचित्रहरु निर्माण गरिसकेका सुवासले निर्देशनमा कतिको दर्शकको मन जित्न सफल होला त ? यो भने चलचित्र प्रदर्शन भए पछि मात्र थाहा होला।
