एजेन्सी – आफ्नै श्रीमतीसँग प्लेनमा हुँदा अन्य युवतीलाई आँखा लगाउँदा अमेरिकामा एक पतिले श्रीमतीको हातबाट “धुलाई” भेटेका छन्।
अमेरिकाको मियामीमा एक श्रीमतीले अन्य युवतीलाई हेरेकै कारण आफ्ना श्रीमानलाई प्लेन भित्रै कुटपिट गरेकी हुन्। सामाजिक संजालमा अहिले यस भिडियो भाइरल नै भएको छ।
भाइरल भएको भिडियोको शुरुवातमा श्रीमान-श्रीमती प्लेन भित्रै बाझ्दै गरेको देखिन्छन्। बाझ्ने क्रममा श्रीमती तथानाम गालि गर्दै देखिन्छिन्। बेवास्ता गरेपछि महिलाले श्रीमानलाई दुई थप्पड पनि लगाउँछिन्।
यी दुई बीचको झगडा साम्य पार्न दुई एयर होस्टेसले गरेको प्रयास पनि असफल हुन्छ। सोहि क्रममा श्रीमान सिटबाट एक्कासी उठ्छन्। जस लगतै ती श्रीमतीले पतिको टाउकोमा ल्यापटप बजार्छिन्।
ल्यापटप बजारेपछि पनि ती महिला रोकिन्नन्। पतिलाई थप तथानाम गालि प्लेन भित्रै लखेट्न थाल्छिन्, पुन : गालि गर्दै आफ्नो सिटमा फर्किन्छिन्।
अन्तराष्ट्रिय संचार माध्यमहरुका अनुसार भिडियो मियामीबाट लस एन्जलसको लागि छुटेको फ्लाइटको हो। २१ जुलाईमा प्लेन भित्रै एक रिसाहा पत्नी पति माथि कुटपिटमा उत्रिएको बताइएको छ।
यसरी पतिको टाउकोमा ल्यापटप बजार्ने महिलाको नाम टिफनी मैकमोरे रहेको अन्तराष्ट्रिय संचार माध्यमहरुले जनाएका छन्। श्रोतका अनुसार पतिले विमानमा रहेका अन्य केहि युवतीलाई हेरेको विषयमा विवाद शुरु भएको थियो। विवाद बढ्दै जाँदै श्रीमती उर्ग्र हुँदै आक्रमणमा उत्रिएको अन्तराष्ट्रिय संचार माध्यमहरुले बताएका छन्।
सामाजिक संजालमा २२ जुलाईमा देखा परेको यो भिडियोले भाइरल रुप नै लिएको छ। युट्युब, फेसबुक, ट्वीटरमा यस भिडियो “गसिप”को विषय बनिरहेको छ।
