पूर्व बार्सिलोनाका खेलाडी ब्राजिलियन रोनाल्डिन्होले आफ्नो नजरमा लियोनल मेस्सी फुटबल इतिहासकै सर्वश्रेष्ठ खेलाडी नरहेको बताएका छन्। उनले मेस्सी अहिलेको पुस्ताका सर्वौत्कृष्ट खेलाडी भएपनि फुटबल इतिहासमा उनि भन्दा पनि उत्कृष्ट खेलाडी रहेको बताए।
ब्राजिलियन लेजेण्ड खेलाडी रोनाल्डिन्होले मार्कासँग कुरा गर्दै मेस्सीले ६ पटक ब्यालुन डी’ ओर जिते पनि उनलाई फुटबल इतिहासकै सर्वश्रेष्ठ खेलाडी भन्न गार्हो रहेको बताए। उनले भने,” उनको हरेक सफलताको लागि म खुसी छु, हामी बार्सिलोनामा राम्रो साथी थिएउँ। तर म उनलाई बेस्ट ओफ अल टाइम भन्न सकिँदैन।”
उनी बेस्ट ओफ अल टाइमको सूचीमा मेस्सी भन्दा अगाडी ३ खेलाडी रहेको बताउँछन्। उनका अनुसार पेले, म्याराडोना र रोनाल्डो(ब्राजिलियन) मेस्सी भन्दा उत्कृष्ट खेलाडी हुन्। ” मेरो नजरमा पेले, म्याराडोना, रोनाल्डो मेस्सी भन्दा उत्कृष्ट थिए। त्यसैले मेस्सीलाई इतिहास कै उत्कृष्ट भन्न अलि गार्हो हुन्छ। तर उनी यो पुस्ताका सर्वौत्कृष्ट खेलाडी हुन्,” रोनाल्डिन्होले भने।
मेस्सीले उनको खेल जीवनको सुरुवातमा रोनाल्डिन्होसँग बार्सिलोनामा ४ वर्ष सँगै खेलेका थिए। उनी आफ्नो खेल जीवनमा रोनाल्डिन्होको पनि ठूलो हात रहेको कुरा सधैं बताउँछन्।
