निकै नै शानदार फिल्म ९० दशकमा आयो। यो दशकमा बलिउडमा कदम राख्ने कैयौँ हिरो अहिले पनि फिल्ममा काम गर्दैछन् । तर हिरोइन केहि मात्र देखिन्छन्। तपाईलाई ‘हिना’, ‘आशिकी’, ‘सिर्फ तुम’ र ‘खिलाड़ी’ जस्ता फिल्म त याद छ होला तर त्यसको हिरोइनको बारेमा अहिले कसैलाई थाहा छैन । आज हामी तपाईलाई यस्ती अभिनेत्रीको बारेमा बताउछौ जो अहिले बलिउडबाट निकै टाढा छन्।
आयशा जुल्का
९० दशकोमा ‘खिलाड़ी’, ‘जो जीता वही सिकंदर’, ‘बलमा’, ‘रंग’ र ‘वक्त हमारा है’ जस्ता हिट फिल्ममा काम गर्ने आयशा जुल्का बलिउडको टप र सुन्दर अभिनेत्रीमा एक थिइन्। आयशा जुल्काको २८ जुलाईमा आफ्नो जन्मदिन पर्छ । उनी पहिले नै बलिउड छोडेर एक बिजनेस वुमन बनिसकेकी छन्। आयशा आफ्नो बलिउड करियरमा अक्षय कुमार, नाना पाटेकर र मिथुन चक्रवर्तीसँगको अफेयरलाई लिएर चर्चामा रहिन्।
अनु अग्रवाल
१९९० मा आएको सुपरहिट फिल्म ‘आशिकी’ बाट अनु अग्रवालले आफ्नो करियरको सुरुवात गरेकी थिइन्। तर पहिलो फिल्मपछि नै विस्तारै इंडस्ट्रीबाट गायब भईन्। एक घटनाले उनको जिन्दगी बदलियो। उनले एक किताबमा आफ्नो निजी जिन्दगीको बारेमा लेखेकी छन्।
अश्विनी भावे
कश्मीरको उपत्यकामा बनेको फिल्म ‘हिना’ लाई त भुलेको छैन होला। १९९१ मा हिनाको भूमिका निभाउने अश्विनी भावे यो फिल्मबाट छाएकी थिइन्। यो फिल्मपछि उनले सफलता भने पाईनन्।
नीलम
नीलमले पनि ९० दशकमा सलमानसँग ‘एक लड़का एक लड़की’ मा काम गरेकी थिइन्। गोविंदासँग उनको कैयौँ फिल्म रहेको छ। तर उनी छिट्टै फिल्मबाट टाढा रहिन्।
ममता कुलकर्णी
ममता कुलकर्णीले ९० दशकमा ‘वक्त हमारा है’ र ‘करण अर्जुन’ जस्ता फिल्ममा काम गरिन्। तर त्यसपछि उनी नशाको लतमा परिन् र करियर बर्बाद गरिन्।
पूजा भट्ट
पूजा भट्ट अहिले एक सफल फिल्म निर्माता हुन् । तर उनी एक अभिनेत्री अनि हुन्। १९९१ मा उनको दुई हिट फिल्म ‘सडक’ र ‘दिल है के मानता नहीं’ आयो। त्यसपछि उनी सफल हुन सकिनन्।
प्रिया गिल
तपाईलाई सिर्फ तुम’ को प्रिया गिल त थाहा नै होला । उनले संजय कपूरसँग ‘सिर्फ तुम’ र शाहरुखसँग ‘जोश’ जस्ता फिल्ममाकाम गरिन्। तर सुरुवातमा नै हिट फिल्म दिएपनि उनको करियर छिट्टै खस्कियो ।
फरहीन
फरहीनले ‘जान तेरे नाम'(१९९२ ) र ‘सैनिक’ (१९९३ ) जस्ता फिल्ममा काम गरिन्। तर उनको करियर लामो समयसम्म बलिउडमा टिक्न सकेन। अहिले उनी एक सफल बिजनेस वुमेन छिन्।
अंजला जावेरी
अंजला जावेरीले अक्षय खन्नासँग हिमालय पुत्र (१९९७ ) बाट करियरको सुरुवात गरेकी थिइन्। यधपी यो फिल्म हिट भएन। तर उनले निकै तारिफ प्राप्त गरिन्। ‘प्यार किया तो डरना क्या’ मा साइड रोलमा देखिएकी थिइन्।
पूजा बत्रा
पूजा बत्राले ‘विरासत’ र ‘हसीना मान जाएगी’ जस्ता फिल्ममा काम गरिन्। तर उनी छिट्टै पर्दाबाट गायब भईन्।
