गयराती भएको च्याम्पियन्स लिगको समूह चरणको अन्तिम खेलमा बार्सिलोना र युभेन्टस बीच भिडन्त भयो। उक्त खेललाई युभेन्टस विरुद्ध बार्सिलोना भन्दा पनि धेरैले मेस्सीका विरुद्ध रोनाल्डोको रूपमा हेरे। क्रिस्टियानो रोनाल्डोको २ गोलको सहयोगमा युभेन्टसले बार्सिलोना माथि ३-० को जित निकाल्यो।
हिजोको खेलमा युभेन्टस स्टार रोनाल्डो कुनै पनि हालतमा आफूलाई मेस्सी भन्दा उत्कृष्ट देखाउनमा दृढ थिए। उनको त्यो कोशिस सफल पनि भयो। उनले युभेन्टसका २ गोल गरे। दुबै गोल पेनाल्टी मार्फत गरेका रोनाल्डोले आफ्नै पेनाल्टी बक्स भित्र मेस्सीको बल डिफेन्डिङ गरेको भिडियो अहिले भाइरल भएको छ।
https://twitter.com/KaizerKroos/status/1336426288861466624
मेस्सी र रोनाल्डो बीचको यो भिडन्त रोनाल्डो रियल म्याड्रिडबाट युभेन्टस गएपछिको पहिलो भेट हो। जुन भिडन्तमा रोनाल्डोले मेस्सीलाई पछि पार्न सफल भए। दुबै टोली अघिल्लो चरणमा भने छनौट भइसकेका छन्। बार्सिलोनाको च्याम्पियन्स लिगको समूह चरणमा २०१६ पछि पहिलो हारमा मेस्सीको व्यक्तिगत शान्दार प्रदर्शन ओझेलमा पर्यो।
