बार्सिलोनाका दिग्गज लियोनल मेस्सीले क्रिस्टियानो रोनाल्डोलाई विश्व खेलको सबैभन्दा ठूलो नामसँग तुलना गरेका छन्। पोर्चुगिज आइकन फुटबलको दुनियामा एक दिग्गजको रूपमा रहेको उनको अभिव्यक्ति छ।
मेस्सी र रोनाल्डोबीच को उत्कृष्ट भन्ने प्रश्न पछिल्लो एक दशक भन्दा धेरै समयबाट चल्दै आएको छ। तर अर्जेन्टिनी सुपरस्टारले भने आफूले युभेन्टसका स्टारको धेरै सम्मान गर्ने गरेको स्वीकार गरेका छन्।
मेस्सीले खुलासा गरे कि उनी रोनाल्डोलाई अन्य खेलका सुपरस्टारलाई जस्तै उच्च दर्जामा राख्छन्। उनले रोनाल्डोलाई रफेल नडाल, रोजर फेडरर र लेब्रोन जेम्ससँग तुलना गरेका छन्।
“खेल जगतमा धेरै प्रशंसनीय एथलीटहरू छन्। राफा नडाल, फेडरर, लेब्रन – सबै खेलहरूमा कोहि यस्ता खेलाडी हुन्छन् जो आफ्नो कामका लागि प्रशंसनीय हुन्छन्,” मेस्सीले ला सेक्स्टालाई भने,”क्रिस्टियानो फुटबल जगतका त्यस्तै प्रशंसनीय खेलाडी हुन्।”
बार्सिलोनाका कप्तान र पोर्चुगिज कप्तानलाई यो पुस्ताका दुई उत्कृष्ट खेलाडी मानिन्छ। एक-अर्काका चिर-प्रतिद्वन्दी भएतापनि यी दुई दिग्गज बीच एक-अर्काका लागि अतुलनीय सम्मान देख्न सकिन्छ।
