युभेन्टस स्टार क्रिस्टियानो रोनाल्डोले फ्यानहरुले आफूलाई ‘बू’ गरेको मन पर्ने खुलासा गरेका छन्। उनले खेल मैदानमा प्रशंसक बिना खेल्न नरमाइलो लाग्ने पनि बताए।
हाल कोरोना भाइरसको महामारीको कारण खेल मैदानमा दर्शकहरू आउन प्रतिवन्ध लगाइएको छ। बिस्तारै सिमित मात्रामा भने दर्शकको प्रवेशलाई मान्यता दिइंदै छ। युभेन्टसमा विगतका केहि महिनादेखि रोनाल्डो खाली स्टेडियममा खेल्दै आएका छन्।
“दर्शकको प्रतिक्रियाबाट उर्जा प्राप्त गर्ने मलाई उनीहरुको प्रशंसाका साथै ‘बू’ पनि मन पर्छ”, ३५ वर्षीय पोर्चुगिज दिग्गजले भने। “मेरो लागि, म इमानदार हुनुपर्दछ, खाली स्टेडियममा खेल्नु भनेको मेरो विचारमा बोरिंग छ। हामी, खेलाडीहरू, सबै नियमलाई सम्मान गर्दछौं र स्वास्थ्य सबैमा सबैभन्दा महत्त्वपूर्ण कुरा हो। तर मलाई यो मनपर्दैन”, रोनाल्डोले आइतबार ग्लोब सोकर अवार्डमा भने।
“म यो सब भन्दा पहिले गर्छु किनकि मलाई फुटबल मन पर्छ। मेरो जोश सधैं फुटबल हो। म आफ्नो परिवार, मेरा बच्चाहरू, साथीहरू, फ्यानहरूको लागि खेल्छु। तर मलाई इमान्दार हुन मनपर्दैन। यो एकदम अनौठो हो।”
रोनाल्डोले भने,”मलाई मन पर्छ जब मानिसहरूले क्रिस्टियानोलाई ‘बू’ गर्छन्। जब मेरो खुट्टामा बल हुन्छ उनीहरूले ‘बू’ गर्छन्, मलाई यो मन पर्छ। मलाई आशा छ कि २०२१ मा नियम परिवर्तन हुन्छ र हामी मैदानमा दर्शक देख्न सक्नेछौं।”
आइतबार युभेन्टस्का पोेर्चुगिज फरवार्ड क्रिस्टियानो रोनाल्डोले ‘ग्लोवो सकर अवार्ड’ अन्तरगतको ‘प्लेयर अफ दि सेन्चुरी’ अवार्ड जिते। रोनाल्डोले अर्जेन्टिनी लियोनेल मेस्सी, ब्राजिली रोनाल्डिन्हो र इजिप्टको मोहम्मद सलाहलाई पछि पार्दै यो अवार्ड जितेका हुन्। यो अवार्डका लागि रोनाल्डोले समर्थकबाट ३८ प्रतिशत मत पाएका थिए। मेस्सीले २४ प्रतिशत, सलाहले २३ प्रतिशत र रोनाल्डिन्होले १४ प्रतिशत मत प्राप्त गरेका थिए।
