बलिउडमा प्राय: नयाँ चिजको प्रयोग गर्ने किशोर दाको ३० वर्षपछि पनि आवाज मनमा रहेको छ । बलिउडमा निकै कम कलाकार यस्ता हुन्छन् जसले हरेक क्षेत्रमा आफ्नो प्रतिभा देखाउछन्। किशोर कुमार एक प्रतिभाशाली अभिनेता मात्र नभई एक निकै राम्रो गायक पनि हुन् । यो बाहेक उनी निर्माता-निर्देशक, गीतकार, स्क्रिप्ट राइटर पनि हुन्। किशोर कुमारले ४ बिहे गरेका छन्। आउनुहोस थाहा पाउनुहोस उनको श्रीमतीको बारेमा:
रूमा गुहा
किशोर कुमारको पहिलो श्रीमती रूमा गुहा ठाकुरताको केहि महिना अगाडी निधन भएको थियो। उनी ८४ वर्षकी थिइन् । रूमा एक अभिनेत्री थिइन्। उनले १९५९ मा किशोर कुमारसँग बिहे गरेकी थिइन्। दुवैको बिहेपछि एक छोरा अमित कुमार भयो । यधपी ८ वर्षपछि यी दुईले डिभोर्स गरे। किशोर कुमारसँग डिभोर्स भएपछि रुमाले दोस्रो बिहे गरिन्।
मधुबाला
जुन समय मधुबाला र दिलीप कुमारको बाटो अर्को हुन लाग्यो। त्यसै समय किशोर कुमारको आफ्नो पहिलो श्रीमतसँग डिभोर्स भएको थियो। यसै कारण दुवैको बीच आकर्षण बढ्यो र १९६० मा यी दुईले बिहे गरे। किशोर कुमारलाई मधुबालाको बिरामी बारे थाहा थियो। उनीहरु उपचारको लागि लन्डन गए र जहाँ डाक्टरले जवाफ दियो। त्यसै समय किशोर कुमारले मधुबालालाई उनको बुबा र बहिनीसँग छोडेर इंडिया फर्किए। २७ वर्षीय मधुबालाको मुटुमा प्वाल परेको थियो। गम्भीर रुपमा बिरामी भएपछि ३५ वर्षको उमेरमा उनको निधन भयो।
योगिता बाली
मधुबालाको निधनपछि किशोर कुमारको जिन्दगीमा योगिता बाली आईन् र दुवैले बिहे गरे। तर योगिता सँग पनि उनको नाता टुट्यो। त्यसको कारण थियो मिथुन चक्रवती। किशोर कुमारको श्रीमती रहेकी योगिता बाली र मिथुन एक-अर्कालाई मनपराउन थाले। एक-पटक फेरि समाजको मतलब नगरी योगिताले मिथुनसँग बिहे गरिन्। योगिता अहिले चार बच्चाकी आमा छिन् र लाइमलाइटबाट टाढा छिन्।
लीना चंद्रावरकर
लीना र किशोर कुमारले फिल्म ‘प्यार अजनबी है’ मा काम गरेका थिए। यहाँबाट नै यी दुईको मायाको सिलसिला सुरु भयो। लीना आफ्नो पहिलो श्रीमानको मृत्युबाट बाहिर आउन लागेकी थिइन्। त्यसैक्रममा किशोर र लीनाले एकअर्कालाई मनपराउँ सुरु गरेका थिए। लीनाको बुबा यो बिहेको लागे राजि थिएनन्। किनकि किशोर २० वर्षले ठुलो थिए र उनको तीन बिहे पनि भईसकेको थियो। तर लीनाले आफ्नो बुबाको कुनै कुरा नसुनी १९८० मा किशोर कुमारसँग बिहे गरिन् ।
