काठमाडौँ, माघ ८। बुधबार बढेको सुनको मूल्य आज पनि बढेको छ । माघ लागेपछि केहि दिन घटेको सुनको मूल्य बुधबार बढेको थियो । बुधबारको तुलनामा सुनको मूल्य आज तोलामा ६ सयले बढेको नेपाल सुन चाँदी व्यवसायी महासंघले जनाएको छ।
सुनको मूल्य बढेसँगै नेपाली बजारमा छापावाला सुनको मूल्य ९३ हजार १ सय रुपैयामा कायम भएको छ। यस अगाडी बुधबार छापावाला सुन ९२ हजार ५ सयमा कारोबार भएको थियो।
यस्तै आज तेजाबी सुनको मूल्य पनि तोलामा ६ सय रुपैंयाले बढेको छ। जससँगै तेजाबी सुनको मूल्य ९२ हजार ६ सयमा कायम भएको छ। यस अगाडी तेजाबी सुन ९२ हजारमा कारोबार भएको थियो।
१० ग्राम सुनको मूल्य कति?
नेपाली बजारमा आज १० ग्राम छापावाला सुनको मूल्य ७९ हजार ८ सय २० पर्ने नेपाल सुन चाँदी व्यवसायी महासंघले जनाएको छ। महासंघका अनुसार बुधबारको तुलामा यो ५ सय १५ रुपैंयाले बढी हो। आज १० ग्राम तेजाबी सुनको मूल्य ७९ हजार ३ सय ९० छ।
चाँदीको मूल्य
बुधबार नेपाली बजारमा चाँदीको मूल्य पनि बढेको छ। तोलामा १५ रुपैंयाले बढेसँगै चाँदीको मूल्य १ हजार २ सय ७५ कायम भएको महासंघले जनाएको छ।
