काठमाडौँ , साउन २२ । आज बुधबार पनि सुनको मुल्य बढेको छ । मंगलबार तोलामा २ सय रुपैयाले बढेको सुनको मुल्य आज तोलामा एक्कासी १५ सय रुपैयाले बढेको छ ।
मंगलबार प्रतितोला ६८ हजार रुपैयामा कायम रहेको छापावाला सुनको मुल्य आज तोलामा ६९ हजार ५ सय रुपैयामा कायम रहेको नेपाल सुनचाँदी व्यवसायी महासंघले जनाएको छ ।
साथै आज तेजावी सुनको मुल्य तोलामा ६९ हजार २ सय रुपैयामा कायम रहेको छ । आइतबार यता सुनको मुल्य लगातार बढेपछि ग्राहकहरु सुन किन्न भन्दा बेच्न उत्साहित भएको जनाइएको छ ।
त्यस्तै आज चाँदीको मुल्य पनि तोलामा १५ रुपैयाले बढेको छ । मंगलबार तोलामा ७ सय ९५ रुपैयामा किनबेच भैरहेको चाँदीको मुल्य आज तोलामा ८ सय १० रुपैयामा कायम रहेको महासंघले जनाएको छ ।
