एजेन्सी – ज्ञान, धर्म र विवाहको कारण ग्रह मानिने बृहस्पतिले राशि परिवर्तन गरेको छ। एक राशिमा करिब १३ महिना सम्म विचरण हुने बृहस्पतिले मंगलबार बिहानै राशि परिवर्तन गरेको हो।
मंगलबार बिहानबाट बृहस्पति मकर राशिबाट कुम्भ राशिमा प्रवेश गरेको छ। बृहस्पति आउने १३ सेप्टेम्बर सम्म कुम्भ राशिमा रहनेछ भने त्यसदिन पश्चात पुनः मकर राशिमा फर्किनेछ। त्यस्तै २१ नोभेम्बरमा बृहस्पति पुनः कुम्भ राशिमा प्रवेश गर्नेछ।
मंगलबार कुम्भले गरेको राशि परिवर्तनले सम्पूर्ण राशिमा प्रभाव पार्ने भएपनि सबै भन्दा बढी निम्न ४ राशि हुनेहरुलाई लाभ मिल्नेछन्।
मेष
मेष राशि भएका व्यक्तिहरूका लागि कुम्भ राशिमा बृहस्पतिको प्रवेश शुभ हुनेछ। विभिन्न कार्यहरुमा सफलता प्राप्त हुने अपेक्षा गर्न सकिन्छ। एकादश भावमा रहने बृहस्पतिले आर्थिक गराउनेछ। प्रेम जीवन तथा पारिवारिक जीवनमा पनि सकारात्मक परिवर्तन हुने देखिन्छ।
कर्कट
आकस्मिक धनलाभ गराउन बृहस्पतिको भूमिका रहला। पैतृक सम्पति प्राप्त हुने योग बन्न सक्छ। व्यवसायमा नसोचेको उन्नति हुने पनि देखिन्छ। मान-सम्मान प्राप्त होला। साथै पदोन्नती पनि हुन सक्ला।
तुला
बृहस्पतिको राशि परिवर्तनले तुला राशि हुनेहरुको भाग्य परिवर्तन गराउने देखिन्छ। नसोचेका क्षेत्रआमा सफलता मिल्दा मन प्रफुल्लित रहनेछ। रोकिएका सम्पूर्ण कार्य पुनः सुचारु हुनेछन्। कानुनी रुपमा पनि सफलता हात लाग्ने देखिन्छ।
कुम्भ
बृहस्पतिले कुम्भ राशिमै प्रवेश गर्ने हुँदा सबै भन्दा बढी लाभ यहि राशिलाई नै मिल्ने देखिन्छ। व्यवसायमा अहिले सम्म भइरहेको अवरोध हटेर जानेछन्। नयाँ कार्य थालनीको वातावरण बन्नेछन् भने लगानी पनि जुट्नेछ। स्वास्थ्यमा पनि सुधार हुने देखिन्छ।
