एजेन्सी , त्रिकोणात्मक प्रेम कथामा आधारित चलचित्रको निर्माण गर्न सिपालु निर्देशक संजय लीला भंसालीले हालै मात्र एक नयाँ चलचित्रको निर्माण गर्ने घोषणा गरेका छन्। ‘देवदास, हम दिल दे चुके सनम, सांवरिया, बाजीराव मस्तानी जस्ता सफल चलचित्रहरुको निर्देशन गरिसकेका भन्सालीले पुन एक सफल चलचित्रको निर्माण गर्ने घोषणा गरेका हुन।
यस चलचित्रमा मुख्य भूमिकामा सलमान खान र आलिया भट्ट रहने जानकारी गराईएको छ भने चलचित्र त्रिकोणात्मक प्रेम कथामा आधारित रहने भएकाले अर्को चर्चित महिला पात्र पनि चलचित्रमा हुने बताईएको छ। लामो समयको अन्तराल पछि संजय र सलमान एकसाथ चलचित्रमा काम गर्न लागेका हुन्। दुबैको सहकार्यको चलचित्र हेर्नका लागि दर्शकहरु पछिल्लो समय उत्साहित रहेका छन।
चलचित्र ‘इंशाअल्लाह’ छिट्टै नै छायांकनमा जाने तयारीमा रहेको छ। जहाँ सलमानले ४० बर्षिय व्यक्तिको भूमिका निर्वाह गर्दै छन् भने आलियाले २५ बर्षीय युवतीको भूमिकामा देखिदै छिन। चलचित्र २०२० मा प्रदर्शन हुनेछ। पछिल्लो समय सलमान चलचित्र दबंग ३ को सुटिंग मा ब्यस्त रहेका छन्। चलचित्रमा उनका साथमा सोनाक्षी सिन्हा मुख्य भूमिकामा देखिदै छिन।
