काठमाडौँ : आइतबार राति रौतहटमा मलद्वार नभएको शिशुको जन्म भएको छ ।
रौतहटको गढीमाई नगरपालिका- २ समनपुरका राजदेव पासवानकी श्रीमतीले मलद्वार नभएको शिशु जन्माएकी हुन् ।
अस्पतालका चिकित्सकले मलद्वार खुलाउन काठमाडौंको कान्ति बाल अस्पताल लैजान सल्लाह दिएपनि खर्च अभावका कारण रोकिएको राजदेवले बताए ।
शिशु जन्मिएलगत्तै चिकित्सकले सो सल्लाह दिएको भएपनि आर्थिक समस्याले शिशुको रोदन सुन्नु बाहेक विकल्प नभएको उनको भनाइ छ । नवजात शिशु छोरा रहेको बताइएको छ।
