काठमाडौँ – उपत्यकामा चोरी गर्दै आएका एक व्यक्तिलाई प्रहरीले कपुरधाराबाट पक्राउ गरेको छ।
काठमाडौँका विभिन्न ठाउँमा चोरी गर्दै सामान संकलन गरेर डेरामा राख्ने एक व्यक्तिलाई प्रहरीले बुधबार काठमाडौं महानगरपालिका-२६ कपुरधारा बाट पक्राउ गरेको हो।
पक्राउ पर्नेमा पर्सा घर भई हाल काठमाडौं महानगरपालिका-२६ कपुरधारा डेरा गरी बस्ने ४६ वर्षीय मुन्ना प्रसाद श्रीवास्तव रहेका छन्। श्रीवास्तवलाई महानगरीय प्रहरी वृत्त लैनचौरबाट खटिएको प्रहरी टोलिले पक्राउ गरेको हो।
चोरीका सामानहरु कोठामा लुकाएर राख्ने गरेको भन्ने सूचना प्राप्त भएपछि निजको डेरामा छापा मारी पक्राउ गरिएको महानगरीय प्रहरी वृत्त लैनचौरले जनाएको छ।
मुन्नाको डेराबाट प्रहरीले विभिन्न कम्पनिका मोबाइल ३१ थान, क्यामरा १ थान, विभिन्न कम्पनिको टिभि १० थान, ल्यापटप २ थान, हथौडा २ थान र छिनो १ थान पनि बरामद गरेको छ।
पक्राउ परेका मुन्ना माथि प्रहरीले अनुसन्धान गरिरहेको छ।
