एजेन्सी , आफ्नो परिवार भेट्न हिडेकी १९ वर्षीय एक किशोरीको ज्यान गएको छ । करिब एक साता अगाडी अलाना कट्ल्याण्डन नाम गरेकी किशोरी आफ्नो परिवार भेट्न मदगस्कर उडेकी थिइन् । तर उडेको केही मिनेटमै उनले ३७०० फिट माथि उडिरहेको जहाजबाट हाम फालिन् । उनको निधन रहस्यमय तरिकाले भएको भन्दै आए पनि हाल डरलाग्दो यथार्थ बाहिरिएको हो ।
अलाना कट्ल्याण्डन क्याम्ब्रिज विश्वविद्यालयमा पढ्थिन् । उनि आफ्नो परिवार भेट्न साथीसँग गएको बताइएको छ । उनलाई खुट्टामै समातेर २ मिनेटसम्म ‘होल्ड’ गरे पनि बचाउन नसकिएको अन्तर्राष्ट्रिय मिडियाले समाचार लेखेका छन् । जहाजमा आपतकालिन अवस्थामा कसरी झ्याल खोल्ने भन्नेबारे संकेत गरिरहेको बेला उनी हाम फालेको बताइएको छ ।
साथै अलाना मानसिक रुपमा विरामी रहेको अनुसन्धानको क्रममा पत्ता लागेको छ ।
