काठमाडौँ , साउन २० । आज साताको दोस्रो दिन अर्थात् सोमबार पनि सुनको मुल्य ह्वातै बढेको छ । आइतबार तोलामा ५ सय रुपैयाले बढेको सुनको मुल्य आज तोलामा एक्कासी १५ सय रुपैयाले बढेको छ ।
आइतबार प्रतितोला ६६ हजार ३ सय रुपैयामा कायम रहेको छापावाला सुनको मुल्य आज तोलामा ६७ हजार ८ सय रुपैयामा कायम रहेको नेपाल सुनचाँदी व्यवसायी महासंघले जनाएको छ ।
साथै आज तेजावी सुनको मुल्य तोलामा ६७ हजार ५ सय रुपैयामा कायम रहेको छ । लगातार सुनको मुल्य बढेपछि ग्राहकहरु सुन किन्न भन्दा बेच्न उत्साहित भएको जनाएको छ।
त्यस्तै आज चाँदीको मुल्य पनि तोलामा २० रुपैयाले बढेको छ । आइतबार तोलामा ७ सय ७५ रुपैयामा किनबेच भैरहेको चाँदीको मुल्य आज तोलामा ७ सय ९५ रुपैयामा कायम रहेको महासंघले जनाएको छ ।
