काठमाडौँ , साउन २८ । आज मंगलबार फेरी सुनको मुल्य बढेको छ । गत शुक्रबार यता लगातार स्थिर रहेको सुनको मुल्य आज फेरी तोला १ हजार रुपैयाले बढेको छ ।
सोमबार प्रतितोला ७० हजार रुपैयामा कायम रहेको छापावाला सुनको मुल्य आज ७१ हजार रुपैयामा कायम रहेको नेपाल सुनचाँदी व्यवसायी महासंघले जनाएको छ ।
साथै आज तेजावी सुनको मुल्य तोलामा ७० हजार ७ सय रुपैयामा कायम रहेको छ । आजको सुनको भाउ अहिलेसम्मकै उच्च हो।
त्यस्तै आज चाँदीको मुल्य पनि तोलामा १० रुपैयाले बढेको छ । सोमबार तोलामा ८ सय २५ रुपैयामा किनबेच भैरहेको चाँदीको मुल्य आज तोलामा ८ सय ३५ रुपैयामा कायम रहेको महासंघले जनाएको छ । सुनको मुल्य लगातार बढेपछि सुन किन्ने भन्दा बेच्ने ग्राहक बढेको सुन पसलले बताएको छ ।
