हतियारधारी लुटेरासँग भिडे वृद्ध-वृद्धा, सिसिटिभी फुटेजमा देखियो चकित बनाउने दृश्य ! [भिडियो सहित]

साउन २८, २०७६ BN

एजेन्सी – हतियार सहित लुट्न आएका दुई लुटेरासँग दुई वृद्ध-वृद्धा भिडेको भिडियो समाजिक संजालमा भाइरल भएको छ।

भिडियोमा श्रीमान-श्रीमती दुई लुटेरासँग लडिरहेको देखिएका छन्। अन्तराष्ट्रिय संचार माध्यमहरुका अनुसार भिडियो भारत तमिलनाडु स्थित तिरुनेलवली जिल्लाको रहेको छ।

रातको खाना खाएपछि बाहिर बसिरहेका वृद्धलाई लुटेराको समूहले आक्रमण गरेको र त्यसलगतै श्रीमान-श्रीमती मिलेर प्रतिकार गरी लुटेराहरुलाई लखेटेको भिडियोमा देखिएको छ।

यस्तो छ घटना

शानमुगवेल र उनकी पत्नी सेन्थमराई कडायम स्थित आफ्नो फार्महाउसमा थिए। खाना खाएपछि हावा खान बाहिर बसिरहेको समयमा शानमुगवेललाई मास्क लगाएका एक लुटेराले पछाडीबाट आक्रमण गरे, तौलियाले शानमुगवेलको घाँटी कस्ने कोशिस गरे।

त्यतिकैमा भित्रबाट आउँदा पतिको घाँटी कस्न खोजेको देखे लगतै सेन्थमराई प्रतिकारमा उत्रीइन्, शानमुगवेल पनि प्रतिकारमा उत्रिए। वृद्ध-वृद्धा र लुटेरा बीच घम्साघम्सी नै भयो।

लुटेरासँग भिड्दा शानमुगवेल र सेन्थमराईले आसपास भएका सम्पूर्ण चीजहरुले लुटेराहरु माथि आक्रमण गरे। अन्त्यमा हार खाएपछि दुवै लुटेरा त्यहाँबाट भागे।

भाइरल भयो सिसिटिभी फुटेज

घरको सिसिटिभी क्यामरामा कैद भएको दृश्य सामाजिक संजालमा देखा परेलगतै भाइरल भएको छ। सामाजिक संजालमा अहिले वृद्ध-वृद्धाको राम्रै तारिफ भैरहेको छ। परिस्थितिलाई बुझेर दुवैले देखाएको बुद्धिमानीको धेरैले खुलेर प्रसंशा गरेका छन्।

स्थानीय प्रहरीका अनुसार घटनामा संलग्न दुई मध्ये एकको पहिचान भैसकेको छ। छिट्टैनै दुवैलाई नियन्त्रणमा लिइने प्रहरीको दावी छ।

प्रकाशित : मङ्गलबार, साउन २८, २०७६०६:३०

आमाबाबूले लुकाएर राखेको भिडियो हेर्दा १५ वर्षिय छोरीलाई भयो ठूलो पछुतो