काठमाडौँ , साउन २९ । आज बुधबार भने सुनको मुल्य घटेको छ । गत साताको आइतबार यता लगातार बढेको सुनको मुल्य आज तोलामा ७ सय रुपैयाले घटेको छ ।
मंगलबार प्रतितोला ७१ हजार रुपैयामा कायम रहेको छापावाला सुनको मुल्य आज ७० हजार ३ सय रुपैयामा कायम रहेको नेपाल सुनचाँदी व्यवसायी महासंघले जनाएको छ ।
साथै आज तेजावी सुनको मुल्य तोलामा ७० हजार रुपैयामा कायम रहेको छ । तिज नजिकिदै गए पनि सुनको सोचेभन्दा महँगो भएपछि सुन किन्ने भन्दा बेच्ने ग्राहक बढेको सुन पसलले बताएको छ ।
त्यस्तै आज चाँदीको मुल्य पनि तोलामा १५ रुपैयाले घटेको छ। मंगलबार तोलामा ८ सय ३५ रुपैयामा किनबेच भैरहेको चाँदीको मुल्य आज तोलामा ८ सय २० रुपैयामा कायम रहेको महासंघले जनाएको छ ।
