काठमाडौँ, पुष २२ । नेपाली बजारमा मंगलबार सुनको मूल्य घटेको छ । निकै उतार चढाबका बीच कारोबार हुँदै आएको सुनको मुल्य सोमबार तोलामा ५ सय रुपैयाले बढेको थियो । आज मंगलबार भने सुनको मुल्य तोलामा ५ सय रुपैयाले घटेको छ । गत शुक्रबार यता लगातार बढिरहेको सुनको मुल्य आज घटेको हो ।
नेपाल सुनचाँदी व्यवसायी महासङ्घका अनुसार आज छापावाला सुनको मूल्य प्रतितोला ७५ हजार ५ सय रुपैयामा कायम भएको छ । सोमबार स्थानीय बजारमा छापावाला सुन प्रतितोला ७६ हजार रुपैयामा खरीद बिक्री भएको थियो ।
त्यसैगरी आज तेजाबी सुनको मूल्य तोलामा ५ हजार रुपैयाले नै घटेको छ । आज तेजाबी सुनको मूल्य प्रतितोला ७५ हजार २ सय रुपैया निर्धारण गरिएको महासङ्घले जनाएको छ । सोमबार तेजाबी सुन प्रतितोला ७५ हजार ७ सय रुपैयामा कारोवार भएको थियो । इरान र अमेरिका बीच त’नाव बढिरहेको कारण सुनको मूल्य अझै बढ्ने अनुमान गरिएकाे छ ।
त्यस्तै आज चाँदीको मूल्य पनि तोलामा २० रुपैयाले घटेको छ । आज चाँदीको मुल्य प्रतितोला ९ सय रुपैयामा खरीद बिक्री भइरहेको महासङ्घले जनाएको छ ।
