यस वर्ष मिथुन राशिका व्यक्तिहरूले केही खुशी त केही चुनौतीहरूका साथ अगाडि बढ्नुपर्नेछ। यदि तपाईले हरेक चुनौती दृढतापूर्वक पार गर्नुभयो भने तपाईलाई सफलता पाउनबाट कसैले रोक्न सक्ने छैन ।
स्वास्थ्यमा समस्या हुने देखिन्छ। स्वास्थ्यका कारणले केहि चुनौतिको सामना गर्नु पर्ला। आफ्नो भविष्यको चिन्ताले सताउनेछ। यो वर्ष प्रेम जीवनका लागि धेरै अनुकूल हुनेछ। पारिवारिक जीवन, विवाहित जीवन, विवाह, बच्चाहरू र शिक्षाका लागि पनि धेरै अनुकूल हुनेछ।
वर्षको सुरूवात, जनवरी २४ मा शनिदेव मकर राशिको आठौं स्थानमा प्रवेश गर्नेछन्। यसले मुख्यतया तपाईंको कार्य क्षेत्र, पारिवारिक जीवन, बोली, स्वास्थ्य र तपाईंको बच्चाहरूमा प्रभाव पार्नेछन् ।
जनवरीदेखि मार्चको अन्त्यसम्म देव गुरु बृहस्पति तपाईंको सातौं स्थानमा रहनेछन् भने जुलाई सम्म तपाईंको आठौं स्थानमा अवस्थित हुनेछन्। यस पछि, नोभेम्बरको १८ सम्म, फेरि तपाईंको सातौं स्थानमा हुनेछन् र नोभेम्बरको १८ पछि फेरि आठौं स्थानमा जानेछन्। यस तरिकाले, तपाईंको विवाहित जीवन उतार-चढावहरूले भरिनेछ र यसले स्वास्थ्यमा पनि महत्त्वपूर्ण असर पार्नेछ।
वर्षको शुरुवात देखि, राहु ग्रहले विशेष रूपमा तपाईंको स्वास्थ्य र खर्चलाई असर गर्नेछ र तपाईंको खर्च बढ्न सक्ने सम्भावना देखिन्छ।
१२ औं स्थानमा राहुको उपस्थितिले तपाईको स्वास्थ्यमा समस्या देखिनेछ। तर यसको सकारात्मक पक्ष यो हो कि, यदि तपाईं विदेश जान इच्छुक हुनुहुन्छ भने, तपाईंको इच्छा पूरा हुन सक्छ।
यस बर्ष मिथुन राशि भएका व्यक्तिले आफ्नो रोजगार परिवर्तन गरेर धेरै लाभ लिन सक्नुहुनेछ र यो परिवर्तन तपाईको भविष्यका लागि पनि धेरै राम्रो साबित हुनेछ। अर्कोतर्फ, विद्यार्थीहरूले उच्च शिक्षाका लागि विदेश जाने अवसर पाउनेछन्।
विद्यार्थीहरूले यस वर्ष परीक्षामा राम्रो प्रदर्शन गर्नेछन् र परिणामको रूपमा धेरै राम्रो अंकहरूको साथ पास हुने देखिन्छ। काममा समस्या भोग्नुपर्ने योग भएकाले आफ्नो काममा पूर्णरुपमा ध्यान केन्द्रित गर्नुपर्नेछ।
मिथुन राशिका व्यक्तिहरूले यस बर्ष व्यापार साझेदारीमा थुप्रै चुनौतिको सामना गर्नुपर्ने देखिन्छ तर वैदेशिक व्यापारको लागी भने धेरै अनुकूल हुनेछ। तपाईंले समाजमा राम्रो स्थान पाउनुहुनेछ। यस वर्ष, धेरै महत्त्वपूर्ण स्थानहरूमा बसेका व्यक्तिहरूसँग सम्बन्ध स्थापित हुनेछ जुन भविष्यमा तपाईंको लागि उपयोगी हुनेछ।
यस बर्ष, तपाईं धेरै स्वतन्त्र महशुस गर्नुहुनेछ र केहि कठोर निर्णय पनि लिनु पर्नेछ। त्यसैले निर्णय लिदा एकदम ध्यान पुर्याएर मात्रै लिनु होला। अनुभवी व्यक्तिको सल्लाह लिएर मात्र काम गर्नुहोस्, अन्यथा लाभको ठाउँमा घाटा हुनेछ। यदि सबै ठिक रह्यो भने, यो वर्ष तपाईंको जीवनको सबै भन्दा राम्रो वर्ष मध्ये एक साबित हुनेछ।
