बलिउड अभिनेत्री तापसी पन्नूले एक तस्विर शेयर गरेकी छन्, जसमा यस्तो देखिन्छ कि कसैले उनलाई थप्पड हानिरहेको छ । वास्तवमा तापसीको आउँदो फिल्म ‘थप्पड’ को यो फस्ट लुक हो, जुन तापसीले आफ्नो इंस्टाग्राममा शेयर गरेकी छन्। तापसीले आफ्नो सोशल मिडिया अकाउन्ट ट्विटर र इंस्टाग्राममा फिल्मको पहिलो पोस्टर सार्वजनिक गरेकी छन् । पोस्टर शेयर गर्दै अभिनेत्रीले क्याप्शनमा लेखिन् , ‘ के यो यति मात्र कुरा हो ? के मायामा यो स्वीकार छ ? यो थप्पडको पहिलो झलक हो ।
यसका साथै फिल्मको ट्रेलर पनि रिलीज भएको छ । फिल्म २८ फेब्रुअरीमा रिलीज हुनेछ । अनुभव सिन्हा यस फिल्मको निर्देशक हुन्। यो भन्दा पहिला अनुभव सिन्हाको ‘आर्टिकल १५’ रिलीज भएको थियो । तापसी पनि अनुभव सिन्हासँग दोस्रो पटक काम गर्दैछिन् । यो भन्दा पहिला ‘मुल्क’ मा उनले काम गरिसकेकी छन् ।
‘थप्पड’ बाहेक उनले यस वर्ष ‘शाबाश मिट्ठू’ मा काम गर्नेछिन् । यो फिल्म महिला क्रिकेट टीमको कप्तान मिताली राजको जीवनमा आधारित हुनेछ । फिल्मको पहिलो पोस्टर रिलीज भईसकेको छ । पोस्टरमा तापसी टाउकोमा ह्याट लगाएर हातमा ब्याट लिएर शट हान्न खोजेकी छन् । पोस्टर शेयर गर्दै तापसीले लेखिन् ,”मलाई सधैँ सोधियो कि पुरुष क्रिकेटर को हुन् ? तर तपाईले उनीहरुको पनि मनपर्ने महिला क्रिकेटरको बारेमा सोध्नुपर्छ ?”
