काठमाडौँ, माघ २७ । चलचित्र ‘होस्टल’ मार्फत नेपाली फिल्म क्षेत्रमा प्रवेश गरेकी नायिका रिस्ता बस्नेतले बलिउडमा डेब्यु गर्ने भएकी छिन् । बस्नेतले भारतीय चर्चित गायिका नेहा कक्कड र गायक कार्तिक कुशको स्वर रहेको गीतमा अभिनय गर्न लागेकी हुन् । उनले आफ्नो सामाजिक संजाल फेसबुकमार्फत यस कुराको जानकारी दिएकी हुन्।
उक्त गीतमा नायिका रिस्तासंग टिकटक स्टार मन्जुल कट्टरले स्क्रिन शेयर गर्दैछन् । बस्नेतले सिर्जना सुत्रबाट उक्त काम पाएकी हुन्। गीतको भिडियोलाई नेपाली कोरियोग्राफर कमल राइले नै निर्देशन गर्दै छन् ।
यस गितमा पुनित अवस्थीले संगीत भरेका छन्। भिडियोलाई टिकुम शर्माले निर्माण गर्दै छन्। भिडियोमा पुरुसोत्तम प्रधानको छायांकन र बिपिन मल्लको सम्पादन रहने छ ।