नजिकिदै गरेको प्रणय दिवस अर्थात् भ्यालेन्टाइन डेलाई लिएर प्रेमी-प्रेमिकाहरुको उत्साह बढेको छ । ७ फेब्रुअरीबाट भ्यालेन्टाइन वीक सुरु हुन्छ र १४ फेब्रुअरीमा युवा कपल भ्यालेन्टाइन डे मनाउँछन् ।
भ्यालेन्टाइन डेमा आफ्नो पार्टनरको लागि उपहार पनि किन्छन् । तपाई यदि ट्राभल लबर हुनुहुन्छ भने तपाईले उपहार दिने यस्तो विकल्प छ जुन सधैँभरि सम्झिन सक्नुहुन्छ ।
क्यामेरा
जिन्दगीको सुन्दरपललाई कैद गर्नको लागि एक क्यामेराभन्दा राम्रो उपहार के हुन सक्छ त । आजकल धेरै मान्छेहरु धेरै स्मार्टफोनमा समय बिताउँछन् तर एक ट्राभलरको लागि प्रोफेशनल क्यामेराको महत्व धेरै हुन्छ । अहिले कम पैसामा राम्रो डीएसएलआर क्यामेराको रेन्ज सुरु हुन्छ । यो उपहार दिनु तपाईलाई सार्थक हुनेछ। तपाई दुवैजनाले आफ्नो खुशीपूर्ण पललाई सजाउन सक्नुहुन्छ ।
घडी
तपाई आफ्नो ट्राभल लवर पार्टनरलाई घडी गिफ्ट दिन सक्नुहुन्छ । यात्रा गर्ने मान्छेलाई घडी निकै मनपर्छ । तपाई आफ्नो पार्टनरको लागि राम्रो मोडलको घडी किन्न सक्नुहुन्छ । डायलमा वर्ल्ड म्याप बनेका वा ट्राभलर प्रकृतिको बनेको घडी दिन सक्नुहुन्छ । यसो गर्दा प्राय समय हेर्ने समयमा तपाईलाई पार्टनरको याद आउनेछ ।
ह्यामोक
घुम्ने समयको लागि ह्यामोक एक राम्रो टुल हुन सक्छ । कतै घुम्न जानेक्रममा कुनै दुई रुखमा बाधेर सुत्न निकै सजिलो हुन्छ । कैयौँ मान्छेले यसलाई घरमा बगैँचामा राख्छन् । यो पनि तपाईको पार्टनरको लागि निकै राम्रो गिफ्ट हुन सक्छ ।
ब्याग
ट्राभलरको लागि एक निकै राम्रो गिफ्ट भनेको ब्याग पनि हो । ब्याग यस्तो होस जुनमा धेरै कपडा र सामान अटोस । तपाई आफ्नो पार्टनरलाई यो पनि गिफ्ट दिन सक्नुहुन्छ । हरेक यात्रामा तपाईको पार्टनरले तपाईलाई याद गर्नेछन् ।
तस्विर
भ्यालेन्टाइन डेमा तस्विर उपहार दिनुको धेरै फाईदा रहेको छ । तपाईको पार्टनर जब पनि यात्रामा जानेछन् तब यी तस्विर देखेर तपाईलाई याद गर्नेछन् । तपाई उनको हरेक ट्रिपमा सँगै नभए पनि उनले तपाईलाई याद गर्नेछन् ।