काठमाडौँ, असार १० । कोरोना महामारीका कारण अस्थिर भएको सुनको मूल्य मंगलबारको तुलनामा आज रु ५ सय रुपैयाले बढेको छ । मंगलबार छापावाला सुन प्रतितोला रु ९० हजार ६ सय रुपैयामा कारोबार भएकोमा आज सोही परिमाणको पहेलो धातुको मूल्य रु ९१ हजार १ सय रुपैयामा कायम भएको छ ।
नेपाल सुनचाँदी व्यवसायी महासङ्घका अनुसार आज तेजाबी सुनको मूल्य प्रतितोला रु ९० हजार ६ सय ६५ कायम भएको छ। साथै सोही परिमाणको चाँदीको मुल्य रु ९ सय ४५ मा खरिद बिक्री भइरहेको छ ।
बन्दाबन्दीयता जेठ २५ गते एक तोला सुनको मूल्य १० हजार ४०० ले बढेर रु ८७ हजार पुगेको थियो ।
