काठमाडौँ – कोरोना भाइरस संक्रमणमा भारतले रसियालाई उछिनेको छ। जससँगै भारत कोरोना भाइरसबाट अति प्रभावित मुलुकको सूचीमा तेस्रो स्थानमा उक्लिएको छ।
अहिले सम्म भारतमा कोरोना भाइरस संक्रमितको संख्या करिब ७ लाख पुगिसकेको छ। यो समाचार तयार पर्दा सम्म त्यहाँ संक्रमित सख्या ६ लाख ९७ हजार ८ सय ३६ पुगिसकेको छ। जस मध्ये २३ हजार ९ सय ३२ जना बितेको २४ घण्टामा भेटिएका हुन्।
भारतमा बितेको २४ घण्टामा ४ सय २१ जनाको ज्यान गएको छ। जससँगै भारतमा कोरोना भाइरस संक्रमणका कारण ज्यान गुमाउनेको संख्या १९ हजार ७०० पुगको छ।
कुल संक्रमित मध्ये भारतमा ४ लाख २४ हजार ८ सय ९१ कोरोना संक्रमित निको भएका छन् भने सक्रिय संक्रमितको संख्या २ लाख ५३ हजार २ सय ४५ छ।
सक्रिय संक्रमित मध्ये करिब ९ हजार संक्रमितको स्वास्थ्य अवस्था गम्भीर रहेको बताइन्छ।