काठमाडौँ, साउन ११। लगातार रेकर्ड बनाइरहेको सुनको मूल्यले आइतबार फेरी नयाँ रेकर्ड बनाएको छ। शुक्रबार बनेको रेकर्ड तोड्दै आइतबार सुनको मूल्यले नयाँ रेकर्ड बनाएको छ ।
आइतबार सुनको मूल्य तोलामा ५ सय रुपैयाले वृद्धि भएको छ । नेपाल सुनचाँदी व्यवसायी महासंघका अनुसार आइतबार छापावाला सुनको मूल्य ९६ हजार ३ सयमा कायम भएको छ।
सुनको मूल्य बिहिबार प्रतितोला ९४ हजार ५ सय पुग्दै रेकर्ड बनाएको थियो। जसलाई तोड्दै शुक्रबार छापावाला सुनको मूल्य मूल्य प्रतितोला ९५ हजार ८ सय पुगेको थियो।
आइतबार तेजावी सुनको मूल्यमा पनि ५ सय रुपैंया वृद्धि भएको छ। आइतबार तेजावी सुन प्रतितोला ९५ हजार ८ सय ६० मा कारोबार भइरहेको छ।
आइतबार चाँदीको मूल्य पनि तोलामा ५ रुपैयाले बढेको छ । शुक्रबार चाँदी प्रतितोला १ हजार १ सय ५५ पुगेको छ।
