काठमाडौँ – आज सुनको मूल्यमा भारी गिरावट आएको छ। बुधबार स्थिर रहेको सुनको मूल्य बिहिबार १ हजार ६ सय रुपैंयाले घटेसँगै सुनको मूल्य लाख भन्दा तल झरेको छ।
नेपाल सुनचाँदी व्यवसायी महासंघका अनुसार बिहिबार छापावाला सुनको मूल्य १ हजार ६ सय रुपैंयाले घटेर ९८ हजार ८ सय रूपैयाँमा कायम भएको छ।
बिहिबार तेजाबी सुनको मूल्य पनि घटेको छ। आज तेजाबी सुनको मूल्य १ हजार ६ सयले घटेर ९८ हजार ३ सय कायम भएको नेपाल सुनचाँदी व्यवसायी महासंघले जनाएको छ।
यस्तै आज चाँदीको मूल्य पनि घटेको छ। आज चाँदीको मूल्य प्रतितोला १५ रुपैंया घटेर १३ सय ६० कायम भएको छ।
