सर्जियो अगुएरोले ठट्टा गर्दै मेस्सी र उनको सम्बन्ध एक विवाहित जोडीको जस्तै रहेको बताएका छन्। म्यानचेस्टर सिटी स्टार अगुएरोले २००६ देखि अर्जेन्टिनाको लागि खेल्दै आएका छन्। उनले राष्ट्रिय टोलीको लागि ९७ खेलमा ४१ गोल गरेका छन्।
२००६ मा अर्जेन्टिनाको लागि डेब्यू गरेपछि बार्सिलोना स्टार र अगुएरो बीच निकै राम्रो सम्बन्ध रहँदै आएको छ। उनीहरूले अर्जेन्टिनाको लागि साथ-साथै तीन विश्व कप, चार कोपा अमेरिका र २००८ ओलम्पिक (स्वर्ण पधक) खेलेका छन्।
अगुएरो भन्छन् कि मेस्सीसँग एउटै कोठा बाँड्न सजिलो हुँदैन। अर्जेन्टिनासँग खेल्दाको समयमा दुई जनाले अद्वितीय सम्बन्ध विकास गरेका छन्। “उनी सँधै केहि न केहि कुरामा गुनासो गर्दछन्, हामी वृद्ध विवाहित जोडीजस्तै छौं,” अगुएरोले “सान्तो साबाडो” कार्यक्रममा ठट्टा गरे।
“म सधै टिभी हेर्दा हेर्दै निदाउँछु र भोलिपल्ट बिहान उठ्दा ऊ मसँग गुनासो गर्दछ।” उनले भने। “ऊ होटेलमा आइपुग्छ र तत्काल नुहाउन जान्छ, जबकि म मेरो मोबाइल फोनमा कुरा गरिरहेको छु। तब उसले मलाई कराउँछ कि हामी खाजा खान जानु छ र हामीसँग समय छैन। ”
अगुएरो अर्जेन्टिनाकाका तेस्रो धेरै गोल गर्ने खेलाडी हुन्। उनी केवल गेब्रिएल बाटिस्टा र पक्कै पनि मेस्सी पछि छन्। मेस्सी अर्जेन्टिनाको लागि ७१ गोलको साथ देशको स्कोरिंग सूचीमा शीर्ष स्थानमा छन्।
