एजेन्सी – युइएफए च्याम्पियन्स लिगको नयाँ सिजनको खेल आज (मंगलबार) रातिदेखि सुरु हुँदैछ । नयाँ सिजनको पहिलो दिन समूह चरणको विभिन्न ८ खेलमा प्रतिस्पर्धा हुनेछ ।
मंगलबार राति इटालियन क्लब युभेन्ट्स युक्रेन भ्रमणमा निस्कँदा क्याटलान क्लब बार्सिलोनाले घरेलु मैदानमा हंगेरियन क्लब फेरेन्कभारोसको सामना गर्दैछ । यस्तै इंग्लिस क्लब चेल्सीले घरेलु मैदानमा स्पेनिस क्लब सेभियासँग प्रतिस्पर्धा गर्दा गतवर्षको उपविजेता फ्रान्सेली क्लब पेरिस सेन्ट जर्मेन (पीएसजी) ले घरेलु मैदानमा इंग्लिस क्लब म्यानचेस्टर युनाइटेडको आतिथ्यता गर्दैछ ।
इटालियन क्लब लाजियोले जर्मन क्लब बोरुसिया डर्टमुन्ड, जसनथले क्लब ब्रुग, आरबी लाइप्जिगले इस्तानबुल बसाकसेहिरसँग प्रतिस्पर्धा गर्दा फ्रान्सेली क्लब रेनेसले रसियन क्लब क्रास्नोडरको सामना गर्दैछ ।
नेपालमा टेलिभिजन प्रसारण :
युभेन्टस र डिनामो किएभको खेल रातको १०:४० बजे टेन २ र टेन २ एचडीमा हेर्न सकिनेछ । यस्तै सोहि समयमा जेनिट र क्लब ब्रुगको खेल सोनी सिक्स र सोनी सिक्स एचडीमा आउनेछ ।
बार्सिलोना र फेरेन्कभारोसको खेल मध्यरात १२:४५ पछि सोनी टेन १ र सोनी टेन १ एचडीमा प्रसारण हुनेछ । चेल्सी र सेभिल्लाको खेल सोनी सिक्स तथा लाजियो र डर्टमुन्डको सोनी टेन ३ मा आउनेछ । पीएसजी र म्यानचेस्टर युनाइटेडको खेल भने सोनी टेन २ र टेन २ एचडीमा प्रसारण हुनेछ ।
आज हुने खेल
समूह ‘ई’ : चेल्सीविरुद्ध सेभिया (राति १२ः४५ बजे), रेनेसविरुद्ध क्रास्नोडर (राति १२ः४५ बजे)
समूह ‘एफ’ : जेनिथविरुद्ध क्लब ब्रुग (राति १०ः४० बजे), लाजियोविरुद्ध बोरुसिया डर्टमुन्ड (राति १२ः४५ बजे)
समूह ‘जी’ : डेनामो किएभविरुद्ध युभेन्ट्स (राति १०ः४० बजे), बार्सिलोनाविरुद्ध फेरेन्कभारोस (राति १२ः४५ बजे)
समूह ‘एच’ : पीएसजीविरुद्ध म्यानचेस्टर युनाइटेड (राति १२ः४५ बजे), आरबी लाइप्जिगविरुद्ध इस्तानबुल बसाकसेहिर (राति १२ः४५ बजे)
