पछिल्लो समय संयुक्त राज्य अमेरिकामा फुटबल अधिक लोकप्रिय भइरहेको छ। अमेरिकाको प्रतिभाशाली महिला टीमले २०१९ मा फेरि वर्ल्ड कप जित्यो, जबकि वर्तमान पुरुष टिममा विश्वका केही उत्कृष्ट युवा खेलाडीहरू समावेश छन्।
क्रिस्टियन पुलिसिक, जियोवानी रेना र सर्जिनो डेस्ट: अमेरिकाका यी ३ खेलाडी मात्र अहिले युरोपको टप ५ लिगमा खेलिरहेका छन्। अमेरिकामा समग्रमा हेर्ने हो भने चेल्सीका स्टार खेलाडी पुलिसिक देशको दोस्रो सबैभन्दा लोकप्रिय फुटबलर हुन्। नम्बर एक स्थानमा बार्सिलोना सुपरस्टार लियोनल मेस्सी छन् भने क्रिस्टियानो रोनाल्डो तेस्रो स्थानमा छन्।
प्रख्यात खेल वेबसाइट साकार डट कमका अनुसार खेलाडीको जर्सी बिक्रीको आधारमा प्रत्येक अमेरिकी राज्यको सबैभन्दा लोकप्रिय फुटबलरको सूचि जारी गरेको छ, जसमा लियोनल मेस्सी एक नम्बरमा पर्न सफल भएका छन्। पोर्चुगिज लेजेण्ड क्रिस्टियानो रोनाल्डो भने अमेरिकन फुटबल हिरो क्रिस्टियन पुलिसिक भन्दा पछि परेका छन्। त्यस्तै, चौंथो स्थानमा किलियन एम्बाप्पे छन् भने म्यानचेस्टर युनाइटेडका मार्कस र्यास्फार्ड पाँचौ स्थानमा छन्।
क्लबको हिसाबले म्यानचेस्टर युनाइटेड स्पष्ट रूपमा अमेरिकामा सबैभन्दा लोकप्रिय क्लब देखिएको छ।
