नेहा ककड आजको समयमा बलिउडकी सबैभन्दा व्यस्त गायिका हुन्। उनको प्रशंसन लाखौँको सङ्ख्यामा छन्। नेहा कक्कडले आफ्नो गायन यात्राको सुरुवात इन्डियन आइडलबाट गरेकी थिइन्। उनी आज सोहि रियालिटी शो की जज छिन्। तर के तपाईंलाई थाहा छ जब नेहाले इन्डियन आइडलमा गीत गएकी थिइन् तब उनको स्वोर सुनेर त्यतिबेलाका शोका जज अनु मालिकले आफैंलाई थप्पड समेत हानेका थिए।
अहिले नेहाको एक पुरानो भिडियो भाइरल भइरहेको छ। यो भिडियो इन्डियन आइडलको दोस्रो सिजनको हो। उक्त भिडियोमा नेहाले ‘ऐसा लागता हे’ गीत गाउँदै गरेको देख्न सकिन्छ। उनको स्वरमा उक्त गीत शोका जज अनु मालिक, शोनु निगम र फराह खानले निकै ध्यानका साथ सुनेको देखिन्छ।
जब नेहा कक्कड़ का गाना सुन कर अनु मलिक ने मारा अपने आप को थप्पड़😂😂 pic.twitter.com/aHSSbN7tWw
— मंदोदरी (@Mrs_Raavan_) April 9, 2021
नेहाले यो गीत गाइसकेपछि अनु मालिक निराश हुन्छन् र रिसाउँछन्। उनले नेहालाई भन्छन्,”नेहा तलाई के भएको छ ? तेरो आवाज सुनेर मलाई आफैंलाई थप्पड हान्न मन लाग्यो।” भिडियोमा त्यसपछि अनु मलिकले आफैंलाई थप्पड हानेको देखिएको छ। नेहाको यो थ्रोब्याक भिडियो मन्दोदरी नामक एक ट्विटर ह्यान्डल द्वारा साझा गरिएको छ।
यो भिडियो अहिले खुब भाइरल भइरहेको छ। नेहाले २००६ मा इन्डियन आइडलमा भाग लिएकी थिइन्। तर उनी शो बाट छिटै बाहिरिएकी थिइन्। तर उनको आवाज भने दर्शकको मन मुटुमा बस्न सफल भयो। जसपछि उनले जीवनमा पछाडी फर्केर हेर्नु परेन। आज उनी एक सफल गायिका हुन्।
