काठमाडौँ, असार ३०। आज सुनको मुल्य बढेको छ । मंगलबार तोलामा २ सय रुपैयाले बढेको सुनको मुल्य आज फेरी ३ सय रुपैयाले बढेको छ।
नेपाल सुनचाँदी व्यावसायी महासंघका अनुसार नेपाली बजारमा आज छापावाला सुनको मूल्य तोलामा ३ सय रुपैयाँले बढेको छ । जससँगै छापावाला सुनको मूल्य ९२ हजार ७ सय रुपैयाँ कायम भएको छ।
त्यस्तै आज नेपाली बजारमा तेजाबी सुनको मूल्य पनि तोलामा ३ सय रुपैयाँले नै बढेको छ। आज तेजाबी सुन ९२ हजार २ सय रुपैयाँमा कारोबार भैरहेको नेपाल सुन चाँदी व्यावसायी महासंघले जनाएको छ ।
चाँदीको मूल्य
आज चाँदीको मूल्य भने घटेको छ। नेपाली बजारमा आज चाँदीको मूल्य तोलामा रु ५ ले घटेको छ । जससँगै आज चाँदी १३ सय १५ रुपैयाँमा कारोबार भैरहेको छ।
