काठमाडौँ । ज्वानो तरकारी तथा अचारमा स्वादको लागि प्रयोग गरिने वनस्पति हो । यस लाई खाद्य विशेषज हरुले “नेगेटिव कैलोरी फूड” मा गणना गर्दछन् यो थोरै मात्रामा खादा पनि पेट भरिएको अनुभव गराउने हुनाले वजन घटाउन चाहने हरुले यसको झोल खाने गर्दछन् ।
यसलाई गाउँघरमा विषेश गरी सुत्केरी महिलालाई खान दिने गरिन्छ । कारण यसले जीउ दुखाई निको बनाउनुुका साथै दुध उत्पादनमा सघाउने मान्यता छ । ज्वानोको त्यसबाहेक अन्य पनि धेरै फाइदा छन् । आज हामी ज्वानोको उपयोगिता र फाइदाबारे जानकारी गराउँदै छौँ ।
१. कम्मर दुख्ने रोगमा
एक पाउ ज्वानो धूलो एक पाउ सख्खर दुबै बराबर राम्ररी मिसाएर विहान–वेलुका तातोपानी सँग १–१ चम्चा सेवन गर्नाले दुई हप्तामै ठिक हुँदै जान्छ ।
२. नाथ्री फुटेमा
नीमको पात र ज्वानो पानीमा पिनेर दुबै कञ्चटमा लगाउनाले रोग निको भएर जान्छ ।
३. रुघा लागेमा, सर्दि भएमा
ज्वानो र बेसार १ चम्चा दिनको ३ पल्ट १ गिलास पानीमा पकाएर खाएमा यसले रुघा पाक्छ र चाँडै आराम हुन्छ ।
४. घाँटी बसेमा
एक गिलास पानीमा ज्वानो र सख्खर १ चम्चा राम्ररी उमालेर पिउनाले पनि घाँटी बसेको जान्छ ।
५. शरीर दुख्ने रोगमा
भुटेको ज्वानो र सख्खर मिसाएर ज्वानोको लड्डु बनाउने र बिहान–बेलुका मिश्री पानीसँग नियमित रुपमा खाने गरेमा दुई हप्तामा ठीक हुन्छ ।
